పద్మపురాణము
ఉత్తరఖండము - సప్తమాశ్వాసము
ద్వితీయసంపుటము
క. |
శ్రీ కేశవసచివానుజ!
లోకస్తుతసౌమ్యచరిత! లోకాలోక
వ్యాకీర్ణకీర్తిపూర! ద
యాకరనయనారవింద! యబ్బయకందా!
| 1
|
వ. |
పరమయోగవిద్యాగరిష్ఠుండగు వసిష్ఠుండు దిలీపున కిట్లనియె.
| 2
|
అ. |
అఖిలలోకరక్షణార్థమై [1]పెనుపొంది
హరి వరాహరూపమైన విధము
చిత్తగించి వినుము చెప్పెద నీ కని
శివుఁడు గిరిజతోనఁ జెప్పఁ దొడఁగె.
| 3
|
వరాహావతారకథ
క. |
శ్రీవైకుంఠపురంబున
[2]దేవాధిపనుతుఁడు వాసుదేవుఁడు సతత
శ్రీవనితాసుఖకలితమ
హావిభవముతోడ [3]నుండు ననవరతంబున్.
| 4
|
క. |
తద్ద్వారపాలు లఖిలజ
గద్వినుతులు పుణ్యదములు గరుడధ్వజపా
దద్విదయసేవనాత్ములు
సద్వర్తనపరులు నిత్యసౌమ్యచరిత్రుల్.
| 5
|
- ↑ పెనుపారి (మ)
- ↑ దేవాధిపుడైన (మ-తి-హై)
- ↑ నేలు (మ-తి)