పుట:పద్మపురాణము (మడికి సింగన).pdf/269

ఉత్తరఖండము-షష్ఠాశ్వాసము

237

తే.⁠

దనదు కడగంటిచూపులు దనరి కమల భవభవాదుల కున్నతపదవు లొసఁగఁ బద్మవాసిని కనకంపుఁబ్రతిమ యసఁగ దివ్యసుఖలీల నొంది వర్తించు నెపుడు.

⁠ 60

తే.⁠

మానితంబగు దివ్యవిమానవితతిఁ జెలఁగి కిన్నరచారణసిద్ధవరులు పరమతాత్పర్యమున లక్ష్మిఁ [1]బ్రస్తుతింతు [2]రడరి సమ్మదబాష్పంబు లడరుకొనఁగ.

⁠ 61

క.⁠

అభవకమలాసనాదులు విభవం బఱి దనుజబాధ వినిపించుచుఁ ద న్నభినుతులు సేయ వారల కభిమతముల నిచ్చు దానవాంతకుఁ డచటన్.

⁠ 62

వ.⁠

అని చతుర్విధవ్యూహప్రకారంబు లెఱింగించి శంభుండు.

⁠ 63

క.⁠

వనజభవాదులకై నను వినిపింపఁగ నలవిగాని విష్ణుపదంబుల్ విను సంక్షేపంబున నే వినిపించితి నెఱిఁగినంత విమలేందుముఖీ!

⁠ 64

క.⁠

ఈహరివిలాసనిలయ వ్యూహాఖ్యానంబు వినిన యుత్తములకు న వ్యాహతసౌఖ్యము లధిక స్నేహంబున నిచ్చుచుండు శ్రీవిభుఁ డెపుడున్.

⁠ 65

వ.⁠

అని విష్ణులీలామందిరంబులగు చతుర్వ్యూహంబుల నెఱింగించి పార్వతిం గనుంగొని యింక నేమి విన నిష్టంబుగల దడుగుమనిన నమ్మహాదేవి పతికి నిట్లనియె.

⁠ 66

1. పాడుచుంద్రు (తి)
2. కడగి సమ్మదబాష్పముల్ గడలుకొనఁగ (తి-హై)