పుట:పద్మపురాణము (మడికి సింగన).pdf/266

234

పద్మపురాణము

సీ.⁠

బహురత్నభూషణప్రభలఁ జెన్నమరెడు          మానితదివ్యవిమానములను నిత్యయౌవనముల నిత్యులై సంపదఁ          బెంపారి వర్తించు దంపతులను బటు[1]భద్రగోపురప్రాసాదతతులను          మానైన యప్పురీమధ్యమునను బాలార్కశతకోటిభాతి నక్కజమైన          రత్నహాటకచిత్రరచన మెఱసి

⁠

తే.⁠

లలితసౌగంధికామోదమిళిత మగుచు దివ్యకాంతాసహస్రంబు తేజరిల్లు సామగానంబు లులియంగ సౌమ్యలీల రమణ నొప్పారు నంతఃపురంబు నడుమ.

⁠ 48

వ.⁠

దివ్యమణిస్తంభశోభితంబగు మండపంబున నుదయార్కసంకాశం బగు సింహాసనంబునందు.

⁠ 49

సీ.⁠

సప్తకాంచనకాంతిఁ దనరు సౌమ్యాంగంబు          వలుద ముత్యాలపేరులు దనర్పఁ గటకకేయూరాదికలితహస్తంబులఁ          జక్రాదిసాధనసమితి మెఱయఁ గనకపంకజకాంతిఁ గనుపట్టు నడుగుల          బహురత్ననూపురప్రభలు వెలుఁగ నర్ధేందుగతి నొప్పు నలికంబు కుంకుమఁ         గొమరారు నూర్ధ్వపుండ్రమున నొనరఁ

⁠

తే.⁠

గర్ణకుండలమౌక్తికకమ్రరుచులు గండమండలముల వింతకాంతిఁ జేయ నమృతఫేనాంశురుచిరవస్త్రములు పూని కనకపీఠంబుపై జనార్దనుఁడు వొలుచు.

⁠ 50

1. వప్ర (హై), వజ్ర (తి)