పుట:పద్మపురాణము (మడికి సింగన).pdf/258

226

పద్మపురాణము

క.⁠

కారణము కార్యకర్తలు సారాంశము శుద్ధసత్త్వసంపన్నతఁ బెం పారెడు నీ కీనిద్రకుఁ గారణ మిది యేమి మేలుకను మఖిలేశా!

⁠ 18

తే.⁠

దేవ! సర్వేశ! ననుఁ గృపాదృష్టిఁ జూచి నీ శరీరమునందున్న నిఖిలజగము నుదయమయ్యెడువిధమెల్ల నొనరఁ జెప్పి నాకుఁ గృపసేయు మిప్పుడు లోకనాథ!

⁠ 19

వ.⁠

అనినం బరమేష్ఠి పలుకు లాకర్ణించి యప్పరమేశ్వరుండు యోగ నిద్రవలన మేల్కని తచ్ఛయనంబునం గూర్చుండి లోకంబులు పుట్టింప నుపక్రమించి కొంతసేపు నిమిలీతాక్షుండై [1]చింతించు చుండ నుదకమధ్యంబున జగదద్భుతాకారంబై హిరణ్మయం బగు నొక్కయండం బుదయించెఁ దత్కటాహమధ్యంబునందుఁ జతుర్దశభువనంబులును సప్తసాగరకులపర్వతసమేతంబుగా భూతధాత్రియు నుదయించెఁ దద్బ్రహ్మాండమధ్యంబున కెల్ల నధిపతిగా బ్రహ్మ నాజ్ఞాపించి తదనంతరంబ.

⁠ 20

సీ.⁠

శ్రీనాథుఁ డొకకొంత చింతింప నలికభా         గమునందు సన్నంపుఁజెమట [2]పుట్టె నది [3]బుద్బుదాకారమై భువిం బడుటయు         నందు మహాశూలహస్త మమర [4]మేలికెంజడలతో ఫాలలోచనముతో         నపు డేను జనియించి యతనిమ్రోలఁ బని యేమి నా కని వినమితాంగుఁడనైన         ననుఁ జూచి నవ్వుచు నగధరుండు

⁠

1. నిద్రించుచుండ (ము)
2. వొడమె (మ-తి-హై)
3. యద్భుతాకారమై (ము)
4. మేలికజడలతో (ము)