పుట:పద్మపురాణము (మడికి సింగన).pdf/257

ఉత్తరఖండము-షష్ఠాశ్వాసము

225

తే.⁠

పొనర గగనంబు మొదలైన భూతసమితి జనన మొనరించి తన్మధ్యమునఁ బయోధి నుదయ మొందించెఁ బెంపున నొదవ నట్టి వనధిమధ్యంబున దొకవటము పుట్టె.

⁠ 15

సీ.⁠

ఆవటవర్ణంబునందుండి యచ్యుతుం          డఖిలభూతములందు నధిగమించి భువనప్రపంచంబుఁ బుట్టింప మదిఁ గోరి          యోగనిద్రాసక్తి నొంది పెక్కు గాలంబు గ్రీడింప లీలఁ గళాకాష్ఠ         ముల నొప్పుకాలంబు మొగి జనించె నప్పు డవ్విభునాభి ననుపమం బగు పద్మ         ముకుళంబు మెల్లన మొగడ విరియ

⁠

తే.⁠

నందుఁ బ్రద్యుమ్ను నంశంబునందుఁ బుట్టి యజుఁడు సర్వంబుఁ బుట్టింప నాత్మఁ గోరి యోగమాయాసమేతుఁడై యున్న యతని చతురలీలల నిట్లని సంస్తుతించె.

⁠ 16

సీ.⁠

జయ జయ యుత్పత్తిసంహారకారణ!         విశ్వరూపాత్మక! విపులగాత్ర! లీలామనోహర ! కాలాత్మ ! శ్రీనాథ !         పరమాత్మ! శివ! పరబ్రహ్మరూప! వాసుదేవాచ్యుత! వరద! నారాయణ!         శార్జ్గి! యథోక్షజ! చక్రపాణి! వేదస్వరూప! దామోదర! హరి! కృష్ణ!         కల్యాణగుణపూర్ణ! కమలనయన!

⁠

తే.⁠

నీకు మ్రొక్కెద! నత్యంతనియమ మెసఁగ నోలి నీయందు సర్వంబు నునికిఁ జేసి నీవు నిద్రింప మేల్కన నిఖిలమునకు లయముఁ బుట్టువు నగుఁ బద్మనయన! కృష్ణ!

⁠ 17