త్రిపాద్విభూతిమహత్త్వము :
వ. |
మఱియుఁ ద్రిపాద్విభూతిప్రకారంబు సెప్పెద నాకర్ణింపుము.
బ్రహ్మాండపరమపదమధ్యంబున సీమాకారయై విరజయను నొక్క
నది గలదది యెట్టి దనిన.
| 130
|
శా. |
వేదాంగుం డగు విష్ణుదేవుని తనుస్వేదాంబుపూరంబునం
బ్రాదుర్భావము నొంది తా విరజనాఁ బ్రఖ్యాతయై పెంపు సం
పాదించుం దగు నమ్మహానది లసత్పారంబునం దోరమై
శ్రీదేవేశుని పట్టణంబు వొలుచన్ శ్రీభోగభాగ్యోన్నతిన్.
| 131
|
వ. |
అదియునుం బరమవ్యోమం బమృతంబు [1]శాశ్వతంబు [2]సత్యంబు
నిత్యంబు శుద్ధసత్త్వమయంబు దివ్యం బక్షరంబు విష్ణుమందిరంబు
వైకుంఠంబు నిత్యంబు సనాతనంబు సర్వలోకోత్కృష్టంబు బ్రహ్మ
పదం బవ్యయంబు నాఁ బర్యాయనామంబులు గలిగి యనేకకోటి
సూర్యాగ్నితుల్యతేజోవిరాజమానంబై సకలదేవతామయంబై
బ్రహ్మానందంబై సమానాధికరహితంబై యాద్యంతశూన్యంబై
యతులితాద్భుతరమ్యంబై విలసిల్లుచుండు.
| 132
|
సీ. |
రవిచంద్ర[3]తారకప్రభలు వర్తిల్లక
దివము రాత్రియు లేక తేజరిల్లు
హరచతుర్ముఖసురేంద్రాదులకై నను
నప్రవిష్టద్వారమై వెలుంగు
నెట్టకేలకు నందు [4]కేగిన పుణ్యులు
మరలి రాకుందురు మాననీయ
హరిపదాబ్జధ్యాతలగు మహాయోగీంద్ర
విప్రాలయంబులు వెలయుఁ బెక్కు
|
|
- ↑ శాశ్వతపదంబు (మ-తి-హై)
- ↑ సత్యం బనంతంబు పరమంబు (మ-తి-హై)
- ↑ పావక (హై)
- ↑ నరిగినవారలు, మగిడి రా రెన్నఁడు (ము-యతిభంగము)