పుట:పద్మపురాణము (మడికి సింగన).pdf/238

206

పద్మపురాణము

⁠

[1]యేదేవి కడగంట నెప్పుడు జంగమ         స్థావరాత్మకమైన జగము నిల్చి [2]యుండు నందు నిమీలనోన్మీలనంబుల        నుత్పత్తిలయములు నొందుచుండు

⁠

తే.⁠

నట్టి యీశ్వరి త్రిగుణాత్మ యాదిలక్ష్మి [3]సర్వజగములు వినుతించు సన్నుతాంగి తనదు తేజంబు పెంపునఁ దానె జగము శూన్యమగుచోట నిండంగఁ జూచు నెపుడు.

⁠ 117

వ.⁠

అమ్మహాదేవి లక్ష్మియు ధరణియు నీలయునాఁ ద్రిగుణాత్మికయై ప్రవర్తిల్లు నందు లక్ష్మి[4]ధనవాగ్రూపంబు లధిగమించియుండు ధరణి జగదాధారశక్తి వహించియుండు నీల తోయాదిరసరూపా త్మికమై యుండు. నిమ్మూడువిధంబులు దానయై యప్పద్మ వాసిని జగన్న్మాథుండగు హరి నాశ్రయించియుండు మఱియును.

⁠ 118

శా.⁠

స్త్రీరూపంబులు దానయై చెలఁగి[5]వర్తించున్ సమస్తైకవి ద్యారూపంబులు దానయై నెగడు సౌందర్యైకసౌభాగ్యశీ లారూఢు ల్దనరూపమై పఱఁగి నిత్యశ్రీలఁ బెంపొందు నా పారావారతనూజ యెల్లయెడలం బంకేజప్రతేక్షణా!

⁠ 119

మ.⁠

కమలాపాంగవిలోకనం బయుతభాగంబందుఁ దన్మాత్రనా ప్రమథేశాచ్యుత పుండరీక భవశక్రశ్రీల ధర్మానిలా ర్యమచంద్రాదులు నిత్యవైభవములం బ్రాపించుచుం దేవతో త్తములై యొప్పుదు రమ్మహామహిమ యేతన్మాత్రమే పార్వతీ!

⁠ 120

1. యద్దేవి (ము-యతిభంగము)
2. యుండి యందు (తి)
3. సర్వజగముల విహరించు (తి-హై)
4. తన (ము)
5. వర్తింపన్ (ము)