పుట:పద్మపురాణము (మడికి సింగన).pdf/234

202

పద్మపురాణము

క.⁠

నిర్మలమతి యగు శిష్యుని కర్మిలిఁ దద్గురువు తప్తమగు మంత్రవిధిన్ నిర్మించి యూర్ధ్వపుండ్రము పేర్మిగ నిడి వైష్ణవంపుఁ బేరిడి పిదపన్.

⁠ 102

సీ.⁠

న్యాసంబ యొండె నష్టాక్షరి యొండెను         మఱియొక్కవైష్ణవమంత్ర మొండెఁ జెప్పి యాచార్యుండు శిష్యుని బోధింప         వలయు మంత్రముల లోపలఁ బ్రపత్తి బరమంబు వైష్ణవప్రతతి కెల్లప్పుడు         సద్ద్విజశ్రేణి కాశ్రయముఁ దాన ద్వయమునకంటెను బరమైన మంత్రంబు         లేదు తథ్యం బిది లేమ! వినుము

⁠

ఆ.⁠

ధరఁ బ్రపత్తి యనఁగ ద్వయము నాన్యాసంబు నాఁగ [1]మఱియుఁ బెక్కునామవితతి గల ప్రపత్తి గురుఁడు తొలుత నెఱింగించి సర్వకర్మములను జరపవలయు.

⁠ 103

క.⁠

న్యాసాధికారి మంత్ర న్యాసంబుల కెల్ల నర్హుఁ డగు నట్లగుటన్ భూసురవరుఁ దన్మంత్రా భ్యాసిం గావించి పిదప నగు నెఱిఁగింపన్.

⁠ 104

క.⁠

శ్రీమహితాష్టాక్షరి యను నామంత్రము నభ్యసింప నగు విప్రున క ట్లే మంత్ర మష్టవర్ణని యామకమై ప్రణవపూర్వమై విలసిల్లున్.

⁠ 105

1. నదియు (హై)