పుట:పద్మపురాణము (మడికి సింగన).pdf/217

ఉత్తరఖండము-పంచమాశ్వాసము

185

తే.⁠

[1]ఆర్తుఁ డర్థార్థి జిజ్ఞాసు వాత్మవిదుఁడు తగిలి యొకమాటు విను మదిఁ దలఁచిరేని వారి కయ్యైఫలంబులు వరుస నిత్తు నమ్మ నేర్చిర యేనియు నలినగర్భ!

⁠ 21

వ.⁠

దీక్షితుండు గానివానికి భక్తిహీనునకు మానరహితునకు నాస్తికు నకుఁ గృతఘ్నునకు పరాఙ్ముఖునకు శీలవర్తనంబు లెఱుంగని వానికి నిమ్మంత్రం బుపదేశింపవలవదు కామక్రోధలోభమోహ దంభవర్జితుండై యాలస్యంబు విడిచి భక్తియోగంబున నన్ను సేవించు పరమవైష్ణవునకు నీమంత్రం బుపదేశింపవలయు.

⁠ 22

తే.⁠

దీక్షఁ దొరకొనునప్పుడు దేశకాల శుద్ధు లరిమిత్రగతులను [2]జూడవలదు న్యాసముద్రాపునశ్చరణాదివిధులు వలదు మద్భక్తి గలిగిన వనజగర్భ!

⁠ 23

వ.⁠

మదీయసుదర్శనధారణంబును మచ్చరణారాధనంబును సకల ధర్మంబులు నాయందు సమర్పించుటయు ననన్యసాధనత్వంబును అకించనుండై యవైష్ణవసంభాషణం బుడుగుటయు ననన్య దర్శనమతవర్జనంబును అన్యదేవతాపూజనవందనాద్యుపచారానభి ముఖత్వంబునుం బ్రపన్నుల కర్హంబులు. అట్లు గావున నీగుణం బులుగల వారలకు నిమ్మంత్ర బుపదేశించుట కర్తవ్యంబు.

⁠ 24

సీ.⁠

రమణీయమగు మంత్రరత్నంబునకు ఋషి         విను సనాతనుఁడైన విష్ణుఁ డనఘ! సరసిజోదరుఁడు వాత్సల్యసాగరుఁడును         సర్వలోకేశుఁడు శక్తియుతుఁడు

⁠

1. తే. శాంతమానసుడై తన్ను సంతతమును
   తగిలి యెల్లప్పుడును మది దలచెనేని
   వారికెల్లను మోక్షము వరుసనిత్తు
   నమ్మ నేర్చిత యేనియు నలినగర్భ (హై)
2. జూడవలయు (ము)