పుట:పద్మపురాణము (మడికి సింగన).pdf/190

158

పద్మపురాణము

⁠

పారాకచాంద్రాయణంబులు సలుపమియుం జేసి పూర్వజన్మంబు [1]నిరర్థకం బగుట నిట్టి యంధమతిం బొంది పాపంబు [2]ననుభ వించుచున్నవాఁడ నట్లుం గాక.

⁠ 90

క.⁠

నిండిన చెఱువులుఁ గొలఁకులు బండిన తరువులునుఁ బెక్కుపక్షులుగల వీ కొండ నది నాదు చూడ్కికి నెండినగతి [3]దోఁచుఁ బాప మేమని చెప్పన్.

⁠ 91

ఆ.⁠

గాలి ద్రావు పాముకైవడి బ్రతుకుచు నున్నవాఁడ భూతయోనిఁ బుట్టి పెద్దకాలమయ్యె పెంపేది యీ పాప మనుభవించుచుంటి ననఘచరిత!

⁠ 92

తే.⁠

బ్రతుకు సుఖదుఃఖములును[4]లాభం బలాభ మును నసౌఖ్యంబు మరణంబు భోగయోగ ములు వియోగంబుఁ బుడమిలోఁ బుణ్యచరిత! దైవహేతువులై యుండుఁ దరతరంబ.

⁠ 93

ఆ.⁠

దైవ మిచ్చెనేనిఁ దలఁపఁ గురూపులు [5]ననఁగ బధిరమూకులైనవారు నింద్యవర్తనులును నిర్గతశౌర్యులు నధికులై చరింతు రనఘచరిత!

⁠ 94

1. నిరర్థకంబై పోవుట యధర్మగతి బొంది (హై), యధమగతి బొంది (మ)
2. ప్రాప్తంబై యనుభవించు (హై)
3. నుండు (తి-హై)
4. లాభములు సౌఖ్య, ములును మరణంబు లంకెలు భోగయోగ (తి)
5. నకులజులును మూర్ఖులైనవారు (మ-తి-హై)