పుట:పద్మపురాణము (మడికి సింగన).pdf/186

154

పద్మపురాణము

వ.⁠

ఇట్లు కేరళవిప్రుండు దహనాదిపారలౌకికక్రియారహితత్వంబు నం బ్రేతంబై తిరుగుచు నిర్జనంబగు వింధ్యగిరిగహ్వరంబున వసియించి దిగంబరుండును, శుష్కశరీరుండును, శీతాతప [1]క్లిష్టుండును, జలాన్నవివర్జితుండునునై శరణంబులేక దుఃఖి తుండై తిరుగుచుండెనని చెప్పి విప్రుండు పిశాచంబునకు వెండియు నిట్లనియె.

⁠ 75

ఆ.⁠

ఏమియైన దాన మిడనివారికిఁ దమ కర్మఫలము లొందుఁ గాలగతులఁ గడపరాదు గాన కర్మంబు గుడువక తీఱ నేర దెట్టివారికైన.

⁠ 76

వ.⁠

అది యెట్లనిన

⁠ 77

సీ.⁠

అగ్నిముఖంబున నలమి వేల్వనివారు         హరిపూజ సేయని యట్టివారు నాత్మవిద్యాహీను లగువారుఁ[2]గుహకులుఁ         బరపీడకులును [3]బాపవ్యసనులు బాలవృద్ధార్తవిప్రస్త్రీల యందుల         దయలేనివారును [4]దహనవిధులుఁ గూటసాక్షులుఁ గాలకూటదాయకులును         గ్రామయాజకులును గంటకులును

⁠

1. ఖిన్నుండును (హై)
2. కుమతులు (హై)
3. డంబప్రవృత్తు
           లగువారు బాలవృద్ధార్త విప్రస్త్రీల (మ-హై)
   లగువార లశనంబు లమ్మెడువారును
   అవనిలో మరియు పరాన్నభక్షు
   లగువారు లుబ్ధులు నతిపాపకర్ములు
   స్వామిపరిత్యాగభూమిహర్త
   కులును గురుదేవతాదూషకులును పుణ్య
   క్షేత్రహర్తలు యతినింద చేయువారు
   జననిజనకుల బ్రోవని జడులు తుచ్ఛహీనజాతులలో వసియింతు రెపుడు (తి)
4. తామసులును (హై)