పుట:పద్మపురాణము (మడికి సింగన).pdf/183

ఉత్తరఖండము-చతుర్థాశ్వాసము

151

సీ.⁠

బ్రహ్మాదిదేవతాప్రతతికి సనకాది         యతిముఖ్యులకు నెవ్వఁ డర్చనీయుఁ డంచితవేదవేదాంతార్థములచేత         నెవ్వఁడు వినతుఁడై యెసక మెసఁగు నాదిమధ్యాంతంబు లవి లేక యేప్రొద్దు         నెవ్వఁడు విహరించు నెల్లయెడల నెవ్వని యురమున నిందిరాసుందరి         యింపొంది వర్తించు నెల్లనాఁడు

⁠

ఆ.⁠

నట్టి విష్ణుదేవు నెట్టన దూషించి వివిధదుఃఖవహ్ని వేఁగి వేఁగి క్షుత్పిపాస లొదవ సొగసి యిట్లేడ్చెద నిద్ధచరిత! దీని కేది తుదయొ.

⁠ 63

వ.⁠

ఇట్టి దోషంబున ననేకనరకంబులు డెబ్బదియొక్కయుగంబు లను భవించితిఁ బాపశేషంబునం బిశాచంబనై సకలదిగంతంబులం దిరిగి నాపుణ్యవశంబున నీ యాశ్రమంబునకు వచ్చి భవచ్చరణం బులు పొడగాంచితి నిట్టి దురవస్థ దలంగు నుపాయం బానతిచ్చి న న్నుద్ధరింపుమని దయపుట్టం[1]బలికి పిశాచంబు మఱియు నిట్లనియె.

⁠ 64

క.⁠

ఎక్కడ సుఖమును మరణము నెక్కడ బంధనము సిరియు నేరికిఁ బ్రాప్తం బక్కడకు వారి కర్మము గ్రక్కునఁ గొనిపోవు నియతిఁ గడువఁగ వశమే.

⁠ 65

చ.⁠

అనవుడు నప్పిశాచమున కమ్ముని యిట్లను నెట్టివారలన్ వినుము ముకుందుమాయ కడువెఱ్ఱులఁ జేయ మదాంధబుద్ధులై యనిశము దేవదూషణము లప్పటి కేమని చేసి మీఁదటన్ ఘనతరవారకాగ్నిఁ బడి కాలుచునుండుదు రెల్లకాలమున్.

⁠ 66

1. జెప్పి (ము)