పుట:పద్మపురాణము (మడికి సింగన).pdf/180

148

పద్మపురాణము

క.⁠

[1]కింకరవర్గం బపుడు భ యంకర మగులోకమున కహంకృతితోడన్ హుంకారగర్జనలతో శంకింపక పట్టి తెచ్చి జముకట్టెదురన్.

⁠ 48

వ.⁠

అమ్మనుజుని నిలువంబెట్టి యిట్లనిరి.

⁠ 49

ఆ.⁠

ద్రవిళవిభుఁడు వీఁడె దారుణపాతకుఁ [2]దెచ్చినార మేమి తెఱుఁగు వీని కనిన యముఁడు చూచి యతిరోషియై వాని వరుస నరకములను వైవుఁ డనియె.

⁠ 50

చ.⁠

అనవుఁడుఁ గింకరప్రతతు లంతకు నానతి రాజుఁ గొంచుఁ జ య్యనఁ జని ఘోరదుర్గతుల నప్పుడు ద్రోచి యనేకభంగులన్ మునుకొని బాధపెట్టుచును ముందటిపాపము లెన్ని తిట్టుచున్ గనుఁగొని ఘోరపాశములఁ గట్టఁగఁ గొట్టఁగ నార్తమూర్తియై.

⁠ 51

వ.⁠

అనేకనరకానుభవంబు చేయుచుండె నవ్విధం బెట్లన్నఁ దొలుత తామిస్రనరకంబునం బడి వెడలి యనంతరంబ మహారౌరవ రౌరవ కాలసూత్ర తాపన సంప్రతాపన కాకోల కశ్మల పూరిత మృత్తికా లోహసంకుల మహాభీమ దుర్దమాసిపత్రవనాది బహువిధనరకంబుల బహుక్లేశంబుల ననేకకాలం బనుభవించి యా [3]వివిధసంతాపన నరకంబులం దీవ్రవేదనాపీడితుండయి విష్ణుద్వేషదోషంబున నిబ్భంగిని డెబ్బదియొక్క యుగంబులు యమబాధలం బొరలి యచ్చోటు వెలువడి వచ్చి.

⁠ 52

క.⁠

భూపాలుండు పిశాచం బై పర్వతవిపినములను నత్యంతబుభు క్షాపరవశుఁడై తిరుగుచు నాపోవక కుంది కుంది యార్తధ్వనితోన్.

⁠ 53

1. కింకరులు దెచ్చిరంతభ (మ)
2. డుగ్రు డేమి యాజ్ఞ యొసగు వీని (హై)
3. యావిద్ధ (ము)