పుట:పద్మపురాణము (మడికి సింగన).pdf/175

ఉత్తరఖండము-చతుర్థాశ్వాసము

143

ఆ.⁠

పరమతత్త్వవిదులు పరతత్త్వ మీవని యాత్మఁ దలఁపు [1]చునికి ననుదినంబు నిర్మలస్వరూప! నిఖిలాండనాయక! సత్త్వగుణగరిష్ఠ! జలజనేత్ర!

⁠ 26

తే.⁠

హరిహరాంబుజభవులు నా నలరు దీవ [2]పుత్త్రమిత్రాదిమూర్తులఁ బొందు వీవ యొక్కఁడవె పెక్కురూపులై యునికిఁ దలఁప మూఢజనకల్పితము గాదు రూఢచరిత!

⁠ 27

క.⁠

[3]గణనీయచరిత! సాత్త్విక గుణసాగర! శ్రీసమేత! గొనకొని నిను ని ర్గుణమూర్తిగాఁ దలంతురు ప్రణుత జగద్రక్ష! కృష్ణ! పంకజనయనా!

⁠ 28

తే.⁠

శుద్ధబుద్ధాత్మ! యత్యంతసుప్రసన్న! సర్వతత్త్వజ్ఞ! శాశ్వత! సర్వసులభ! సర్వభూతేశ! చిన్మయ! [4]సత్త్వసార! నిన్ను భజియింతు నే ప్రొద్దు నియమ మెసఁగ.

⁠ 29

క.⁠

ప్రియముననైనను నిను న ప్రియమునైనను జెలంగి పేర్కొనువారిన్ బ్రియబంధుఁడవై నీ న వ్యయపదముల నిలుపుచుండు దంబుజనాభా!

⁠ 30

1. చుందు రనుదినంబు (మ-తి-హై)
2. మిత్రపుత్రాదిమూర్తుల మెలగుదీవ (హై)
3. గణనియమచరిత (ము)
4. సత్యసార (తి-హై)