పుట:పద్మపురాణము (మడికి సింగన).pdf/154

122

పద్మపురాణము

క.⁠

తరుణులపాలిటి కర్మము పురుషత్వము దాల్చి వడుగుఁ బొడవండై తా దొరకొనియెఁ గాక ధర నె వ్వరికిని నిటువంటి దొంతివలపులు గలవే!

⁠ 150

తే.⁠

ఒకతె నెబ్భంగినైనను నోమవచ్చుఁ గోరి యొకతెకు నొకనిఁ దోడ్తేర వచ్చు గాక యేగురు విరహాగ్నిఁ గ్రాఁగుచుండ నేమి సేయుదమని యింతులెల్ల [1]బెగడి.

⁠ 151

చ.⁠

కమలవనంబుపొంత సహకారమహీజముక్రేవ నుల్ల స ద్భ్రమరనినాదము ల్చెలఁగు ప్రన్నని పూఁబొదరింటిలోనఁ జె న్నమరెడు చంద్రకాంతపుశిలావలి నొప్పు నరుంగుమీఁదటన్. సమధికలీల లేఁజిగురుశయ్యలు సేసి సరోజలోచనల్.

⁠ 152

ఆ.⁠

పుష్పసమితి నెఱపి పూఁదేనెతోఁ గూర్చి కప్పురంపునీటఁ గలయ నలికి సతులఁ దెచ్చి యునిచి చలిమందు లొనరింప నంగజానలంబు నతిశయించె.

⁠ 153

వ.⁠

ఇ ట్లయ్యతివలు సేయు శిశిరోపచారంబు లన్నియు ననలంబుపై నేయి చల్లిన చందంబున నంతకంతకుం బెరిగిన విరహానలంబున నంబుజాసనలు పుష్పశయ్యలు వెన్ను మోపనేర కారాటంబునం బొరలు సమయంబున.

⁠ 154

తే.⁠

విరులశయ్యలఁ దనుగాలి వీవ నింతు లగ్గలంబగు మదనాగ్ని బెగ్గడిలిరి చెలఁగి నలుఁగడ నెరవలిచిచ్చు గ్రాల నడుమ సుడిఁగొన్న [2]లేటితండమును బోలె.

⁠ 155

1. బొగిలి (హై)
2. లేడిదండమును (ము)