పుట:పద్మపురాణము (మడికి సింగన).pdf/148

116

పద్మపురాణము

⁠

మధురగానంబు సేయుచుఁ జతుర్విధనృత్యంబులఁ బ్రగల్భలై సమస్తవిద్యాకళాభిజ్ఞలు నగుచుఁ బితృలాలనంబులం బెరసి సకలవనంబులం గ్రీడించుచు నొక్కనాఁడు మధురసాస్వాద మత్తమధుకరమంజురవాకీర్ణం బగు మధుమాసంబునఁ బుష్పాప చయంబులు సేయుచుం జనిచని ముందట.

⁠ 110

శా.⁠

ఆ రాజాస్యలు గాంచి రయ్యెడ సముద్యల్లోలకల్లోలసం చారోద్ధూతనవీనఫేనదరహాసస్ఫారమున్ నిర్జరా హారశ్రీకరవారిపూరముఖరవ్యాపారవిస్తారముం బారావారగభీర [1]నీరము [2]మహావారమ్ముఁ గాసారమున్.

⁠ 111

వ.⁠

కని దాని మహిమాతిశయంబులు గొనియాడుచు న య్యిందువదన లచ్చోటను.

⁠ 112

తే.⁠

స్ఫటికవైడూర్యసోపానపంక్తులందు నల్లనల్లన డిగి యీఁదులాడి [3]తనిసి వెడలి తడుపులు పట్టులు విడిచి కట్టి రమణు లొప్పిరి మరుని బాణము లనంగ.

⁠ 113

వ.⁠

అప్పుడు.

⁠ 114

ఉ.⁠

గౌరి భజించి లీలఁ దెలిగన్నుల రాగము సొంపుచూపఁగా గారవమార వీణియలు గైకొని యల్లన [4]నాలపించుచు న్వారక మంజులధ్వనుల వారిజనేత్రలు పాడి రాడుచున్ శారద యేనురూపులగు చందము దోఁప విలాసలీలలన్.

⁠ 115

వ.⁠

అయ్యవసరంబున.

⁠ 116

1. సారము (ము)
2. మహాపారంబు (తి-హై)
3. యలసి, తలచుట్లు విడిచి పావడలు గట్టి (హై)
4. మేళగింపుచున్ (మ)