పుట:పద్మపురాణము (మడికి సింగన).pdf/144

112

పద్మపురాణము

క.⁠

అక్కట! సద్ద్విజజన్మము నెక్కొనియును జేసికొనిన నేరిమి నిన్నుం ద్రెక్కొనఁ గష్టపుబాములఁ బొక్కుచు నిన్నేడు లెట్లు పొరలితి తండ్రీ!

⁠ 92

క.⁠

నినుఁ జూచి నామనంబున ననుకంప జనించె దోష మణఁగెడివిధ మే ననుసంధించెదఁ దెలియఁగ వినుమని రాక్షసునితోడ వెలఁదుక పలికెన్.

⁠ 93

సీ.⁠

గంగయు యమునయుఁ గలసిన యచ్చోట         నేనాడు మాఘంబు లెన్నియేని గల వందులోన నీ కలుషంబుఁ దలఁగింప         నవి మూఁడుదినముల ఫలము [1]నిప్పు డిచ్చెద నంత నీ వీరూప మెడఁబాసి         యమరత్వ మొందెద వనుచుఁ జెప్పి తడిచీరకొంగునఁ [2]బిడిచిన జలములఁ         దత్ఫలం బతనికి ధారవోయ

⁠

ఆ.⁠

నతఁడు రాక్షసత్వ మప్పుడే పెడఁబాసి దివ్యతనువుఁ దాల్చి తేజరిల్లి సంతసంబు ప్రియము సందడి పడుచుండ నమ్మృగాక్షి కిట్టులనియె మ్రొక్కి.

⁠ 94

ఆ.⁠

వెడలఁబాటు లేక వేఁగుచునున్న నా దురితవితతిఁ బాఱఁదోలి నీవు నాకలోకసుఖము నా కిచ్చితివి మాఘ మజ్జనప్రభావమహిమఁ జేసి.

⁠ 95

1. నీకు నిచ్చెద (మ-హై)
2. ముడిచిన (ము)