బ్రహ్మరాక్షసుఁడు కాంచనమాలినితోఁ దనపూర్వవృత్తాంతము చెప్పుట :
| చ. |
అన విని బ్రహ్మరాక్షసుఁడు నాసతి కిట్లను దల్లి! నీదు వ
ర్తనము పవిత్రమైన గతిఁ దప్పక చెప్పఁగ విన్నమాత్ర నా
మనము ప్రసన్నమయ్యె గరిమన్ స్ఫుటసజ్జనగోష్ఠి నేరికిన్
ఘనతరసౌఖ్యసంపదలు గల్గుట నిక్కముగాదె యెచ్చటన్.
| 84
|
| వ. |
అట్లు గావున నిఖిలదోషంబులకు మూలంబైన నా తెఱంగు విను
మని బ్రహ్మరాక్షసుం డిట్లనియె.
| 85
|
| సీ. |
విశ్వేశనిలయమై వెలయుఁ గాశీపురి
బ్రాహ్మణాన్వయుఁడ దుర్భాగ్యయుతుఁడ
దోషంబు దలఁపక దుర్దానములు గొని
ధనలోభమునఁ జేసి తగవు విడిచి
చండాలుఁ డిచ్చిన నొండు దలంపక
తివిరి యేదైనఁ బ్రతిగ్రహింతు
నవిముక్తతీర్థంబునందు నెల్లప్పుడుఁ
బాపంబు సేయుదుఁ బ్రతిదినంబుఁ
|
|
| తే. |
బొరి పరాన్నంబు భుజియింపఁ బోదుఁ గాని
దేవపైతృకములఁ జేయఁ దీర దెపుడు
నొకనికై తీర్థ మాడుచునుందుఁ గాని
యెట్టిదినమున నొకగ్రుంకు పెట్టుకొనను.
| 86
|
| వ. |
ఇవ్విధంబునఁ గాలంబుఁ బుచ్చుచుండ ననేకవత్సరంబులు
జరిగిన పిదపఁ దత్క్షేత్రంబున శరీరంబు విడిచినకతంబున నరక
లోకంబునకుఁ దొలంగితి నది యెట్లనిన.
| 87
|
| క. |
పెఱచోఁ జేసిన పాపము
లఱుమక యయ్యెడ నడంగు నవిముక్తమునం
గుఱుకొని చేసిన యఘములు
కఱగొని దృఢవజ్రలేపకంబగుఁ దరుణీ!
| 88
|
