పుట:పద్మపురాణము (మడికి సింగన).pdf/131

ఉత్తరఖండము-తృతీయాశ్వాసము

99

ఆ.⁠

నడవి నాకు నలము నశనంబుగా సల్పి నడుమ నార గట్టి నవయుచున్న [1]పాఱు నాతియింటిపంచ ప్రాప్తము చేసెఁ గాముచేత బ్రతుకఁ గలరె యొరులు.

⁠ 28

వ.⁠

అని యఖిలభూతనివహంబు [2]లాక్రోశించుచు నుండ నప్పురం దరుండు.

⁠ 29

ఉ.⁠

ఎప్పుడు గాని వేగదొకొ యీ నిసి నేఁడును నిమ్మునీశ్వరుం డెప్పుడు పోవునో వెడలి యీ నది దిక్కున కీ మృగాక్షి నే నెప్పుడు కౌఁగిలించి సుఖియింతునొకో యని ప్రొద్దుచూచుచున్ నిప్పులఁ బడ్డ చందమున నిర్జరనాయకుఁ డుండె నంతటన్.

⁠ 30

క.⁠

తొలికోడి కూయ శిష్యులఁ దెలుపుచు గౌతముఁడు నదికి దిగ్గన నరిగెన్ బలభేదియుఁ గొనచీఁకటిఁ బొలఁతుక యిలు సొచ్చి మేను పుణుకఁగ నదియున్.

⁠ 31

క.⁠

ఇది యెవ్వరన్న సతి నో రదుముచు మైఁ గౌఁగిలించి యల్లన చెవిలో రొదసేయకు [3]మని యింద్రుఁడ వదలక నినుఁ జూచి కూడ వచ్చితిఁ దరుణీ!

⁠ 32

క.⁠

పంచశరుబాణసంహతిఁ బంచత్వము నొందలేక భామిని యిదె నీ పంచకు వచ్చితి దీనిఁ బ్ర పంచము గానీక మేలు వడయుట యరుదే.

⁠ 33

1. బడుగు నాలియింటి (హై), బడుగువాని యింటి (మ-తి)
2. లాలోకింపుచుండ (హై)
3. మే నింద్రుడ (తి), నే నింద్రుడ (హై)