పద్మపురాణము
ఉత్తరఖండము - తృతీయాశ్వాసము
క. |
శ్రీకర వాణసకులర
త్నాకర! [1]సంపూర్ణకరసుధాకర! [2]ఘనశో
భాకర! సంతతదానద
యాకర! సత్కీర్తిబృంద! యబ్బయకందా!
| 1
|
వ. |
పరమయోగవిద్యాగరిష్ఠుండగు వసిష్ఠుండు దిలీపున కిట్లనియె.
నట్లు కాంచనమాలిని యడుగుటయు నవ్విప్రుం డిట్లని చెప్పె.
| 2
|
కాంచనమాలిని బ్రహ్మరాక్షసునకుం జెప్పిన మాఘస్నానప్రభావము :
క. |
కృతయుగమున గౌతముఁ డను
నతిపావనమూర్తి మునివరాగ్రణి వహ్ని
ప్రతిమానతేజుఁ డిల న
ప్రతిహతరోషుండు వేదపారగుఁ డొప్పున్.
| 3
|
తే. |
అమ్మహాముని పత్ని యహల్య యధిక
లక్షణాన్వితహాసవిలాసవిభవ
సౌమ్యలావణ్యసౌందర్యచతురగతుల
నమ్మృగాక్షికి నీడులే దవనియందు.
| 4
|
వ. |
ఇ ట్లతిశయరూపయౌవనంబులు గలిగి తనకు ననురక్తయగు
భార్యయుం దాను నొక్కపుణ్యారణ్యంబునం దాశ్రమంబు
నిర్మించుకొనియుండె నంత.
| 5
|
- ↑ సంపూర్ణతర (మ-తి-హై)
- ↑ గుణశోభాకర (మ)