పుట:పద్మపురాణము (మడికి సింగన).pdf/121

ఉత్తరఖండము-ద్వితీయాశ్వాసము

89

వ.⁠

అది యెయ్యది [1]యంటేని పిన్ననాటనుండియు దానధర్మ తీర్థపరోపకారంబు లెఱుఁగకయును నిరంతరంబుం బరధనాపహర ణంబును బరదోషాన్వేషణంబునుం జేయుచు నొరులకుఁ గీడు సేయుటయు వినోదంబును నడఁకించుటయు నేర్పున ధనంబుఁ గొనుటయుం బురుషార్థంబులుగా నిన్నిదినంబు లనృతవర్తనం బునం దిరుగుచుండి యిప్పుడు.

⁠ 228

క.⁠

తలఁచుకొని నేఁడు దూలము తలఁ దాకిన [2]నులికినట్లు దావము మదిలో మొలవఁగ నీ సుఖ మంతయుఁ గలలో నై నట్లు నాకుఁ గానంబడియెన్.

⁠ 229

వ.⁠

కావున నీప్రపంచంబంతయు మిథ్యగా విచారించి భవత్సన్నిధికిం జనుదెంచితి; నిద్దురితదుఃఖార్ణవమగ్నయగు న న్నుద్ధరించి పుణ్య లోకంబులు గలుగు నుపాయంబు చింతించి యానతిమ్మని మ్రొక్కిన న వ్విప్రవరుండు నన్నుం గనుంగొని యాదరంబున నిట్లనియె.

⁠ 230

క.⁠

తొడుగను బూయను ముడువను గుడువను నెఱిఁ గట్టఁ గలిగి కుత్సితమతివై [3]వెడబుద్ధులు వారింపుము పడఁతి వినంబొత్తుగాని పలుకులు [4]గలవే.

⁠ 231

క.⁠

సుదతులు దగ మన్నింపఁగం బదివేవురు నిన్ను నాసపడు సంపదతో మది మది నుండియు నిటు నీ హృదయము వైరాగ్యవృత్తి నేటికిఁ దగిలెన్.

⁠ 232

1. యనిన నేను బుట్టిననాటనుండియు (ము)
2. పగిది నిట్లు (హై), మడికి యట్లు, మదికి నట్లు (తి)
3. పెడబుద్దుల నూహింపుచు (హై), చెడుబుద్ధులు బోధింపుచు (తి)
4. తగునే (మ-తి-హై)