పుట:పద్మపురాణము (మడికి సింగన).pdf/109

ఉత్తరఖండము-ద్వితీయాశ్వాసము

77

ఆ.⁠

వేదవితతి సెప్పు విను గ్రహంబులలోన నినుఁడు చుక్కలందు నిందుఁ డెట్లు వెలుఁగు నట్లు మాసవితతిలో మాఘంబు పావనం బనంగఁ బరఁగుచుండు.

⁠ 162

చ.⁠

మకరదినేశులం గలుగు మాఘమునందులఱేపు భక్తితో నకుటిలవృత్తి గోష్పదమునందుల నీరనునైన మజ్జనం బొకపరి చేసి పాపియును నుత్తమ నాకసుఖంబుఁ బొందుటల్ ప్రకటితమైన యోగమిది ప్రాజ్ఞులు సెప్పుదు రాగమోక్తులన్.

⁠ 163

వ.⁠

అందును వ్రతం బనుష్ఠించుట యుత్తమం బది యెట్టు లనిన.

⁠ 164

సీ.⁠

మాఘాదినుండి నేమముతోడ సూర్యోద        యమున నదీస్నాన మమరఁ జేసి ఘృత మాష తిలల నాహుతు లిడి వేల్చుచు        భూశయ్యుఁడై యేకభుక్తమునను ఘనసారమృగమదాగరుకుంకుమాదులఁ        బొరిఁ ద్రికాలము విష్ణుపూజ చేసి కార్పాసపాదుక [1]కంబళేంధనపట        తైలఘృతాదులు దాన మిచ్చి

⁠

తే.⁠

మును పరాన్నప్రతిగ్రహములు దొలంగి తైలసేవయు మాని వ్రతంబు సల్పి [2]మాససంపూర్తిఁ గడ నుత్తమద్విజులకు నిష్టభోజనదక్షిణ లిడఁగవలయు.

⁠ 165

వ.⁠

ఇవ్విధంబున వ్రతోద్యాపనంబు చేసిన పుణ్యుం డక్షయలోక సౌఖ్యంబు లనుభవించుచు మఱియును.

⁠ 166

1. కంబళ ధనపట (హై-తి)
2. మానసస్ఫూర్తిఁ గడు (ము)