పుట:పద్మపురాణము (మడికి సింగన).pdf/102

70

పద్మపురాణము

సీ.⁠

ఏకాదశికిఁ దుల్య మే ధర్మమును గాదు         మనుజుఁ డం దుపవసించిననె చాలు; యమునివాసముఁ జూడ నరుగక ముక్తుడై         హరిలోకసౌఖ్యంబు నతఁడు వొందు; గంగ గోదావరి గయ ప్రయాగాది తీ         ర్థస్నానఫలములు రావు సాటి; నరుఁడు గూ డుడిగి జాగర మొప్పఁ జేసిన         ఫలమింత యంతని తలఁవరాదు;

⁠

తే.⁠

[1]తల్లి దెసవారు పదురును దండ్రివారు పదితరంబులవారును భార్యవంకఁ బదితరంబులవారును బలసిరాఁగ నతఁడు ప్రాపించు నిశ్చలహరిపదంబు.

⁠ 130

ఆ.⁠

వెలయు బాలతరుణవృద్ధత్వమునలోన హరిదినోపవాస మబ్బెనేని కడఁగి యెట్టిపాటి కల్మషియైనను నరకగామి గాఁడు నరుఁడు నిజము.

⁠ 131

వ.⁠

మఱియు నొకటి చెప్పెద గోభూతిలహిరణ్యాదిదానంబు లిచ్చు టయుఁ దీర్థసేవనంబును మనోవాక్కాయకర్మంబుల భూతంబుల కలుగమియు నింద్రియనిరోధంబును హరిసేవనంబును వర్ణాశ్రమ క్రియాపాలనంబును నను నివి నరకవారణంబులు స్వర్గఫలదం బులు నని గార్గ్యాదులగు మహామునులు సెప్పుదురు గావున.

⁠ 132

ఆ.⁠

అంబరములు గొడుగు [2]లాకులు పండులు తమ్ములములు చెప్పులిమ్ము గాఁగ దినదినంబుఁ దనకుఁ దీఱిన కైవడి దాన మిడుట పరమధర్మ మెందు.

⁠ 133

1. తల్లి తెగవారు పదుగురు (హై)
2. లలరులు (మ-హై)