పుట:పద్మపురాణము (మడికి సింగన).pdf/101

ఉత్తరఖండము-ద్వితీయాశ్వాసము

69

⁠

శిలాదానంబు సకలధరావలయదానఫలంబు నిచ్చుఁ. దన్మూల్య వక్తయు విక్రేతయు ననుమతయు ననువీరలు నరకగాములు గావునఁ దద్విక్రయంబు వలవదు. మఱియు నొక్కవిశేషంబుఁ జెప్పెద వినుమని యమకింకరుం డిట్లనియె.

⁠ 123

తే.⁠

వేయు నేటికి నొకమాట వినుము వైశ్య ఘోరభవములఁ దొలఁగించుకొను [1]శ్రుతంబు గలదు హరినామ మొకమాటు దలఁచిరేని నట్టి పుణ్యులు వొందుదు రవ్యయంబు.

⁠ 124

చ.⁠

అడవులఁ గందమూలకఫలాశనులై విజితేంద్రియాత్ములై విడువక వేదము ల్చదివి విశ్రుతమైన తపంబు సేయఁగాఁ బడసిన తత్ఫలం బొదవుఁ బంకజనాభుని నామ[2]సంస్తుతిం దడయక చేయుచున్న హరిదాసుల కెందుఁ దలంచి చూడఁగన్.

⁠ 125

వ.⁠

అని చెప్పి మఱియు నిట్లనియె.

⁠ 126

క.⁠

హరిదినమున నుపవాసం బరుదుగఁ బ్రాసంగికముననైనఁ జరింపన్ నరకమును జెందఁ డనియును బరువడి సమవర్తి పలుకు పలుకులు వింటిన్.

⁠ 127

తే.⁠

రాజసూయశతంబు దురంగమేధ యాగశతమును జేసిన యట్టి ఫలము నొక్కహరివాసరమునందు నుపవసించు ఫలము పదియాఱవగు పాలి పాటిరావు.

⁠ 128

క.⁠

ఏకాదశేంద్రియంబులఁ బ్రాకటముగఁ జేయునట్టి పాపము లెల్లన్ వైకల్యమొందు నొకపరి యేకాదశి నుపవసించునేనియు ననఘా!

⁠ 129

1. మతంబు (ము)
2. సంస్మృతిం (ము)