పుట:పద్మపురాణము (మడికి సింగన).pdf/100

68

పద్మపురాణము

వ.⁠

మఱియుఁ బుండరీకాక్షుండును లక్ష్మియందు వైకుంఠంబు నందును విహరించునట్లు సాలగ్రామశిలల ననవరతంబు నుండుఁ గావునం దత్పూజనంబు చతుస్సముద్రముద్రితధరాదానంబు కంటె నధికఫలంబు నిచ్చు.

⁠ 117

ఆ.⁠

దానతీర్థశక్తిహీనుఁడై యుండిన నరుఁడు ముక్తి నొందుఁ బరమభక్తి [1]నిత్యనియమలీల నెగడి సాలగ్రామ శిలల విష్ణుపూజ సేయునేని.

⁠ 118

తే.⁠

ఓలిఁ బండ్రెండుమూర్తుల నొక్కపీఠ మునను నొకనాఁడు పూజచేసిన యతండు లీలఁ బండ్రెండుకోటుల లింగములను బసిఁడితమ్ములఁ బూజించు ఫలము నొందు.

⁠ 119

ఆ.⁠

ఎచట నిట్టిమూర్తి యే కాలమును నుండు నచట యోజనత్రయంబు దీర్థ మగుట ధర్మకర్మ మయ్యెడ నొనరింపఁ గోటిగుణిత మండ్రు మేటిమునులు.

⁠ 120

ఆ.⁠

పంచగవ్యములును బహుతీర్థజలములు వేయుమార్లు గ్రోలు విపులఫలము గలుగు నొక్కనాఁడు గదిసి సాలగ్రామ తీర్థమాను పుణ్యదేహులకును.

⁠ 121

క.⁠

విను సాలగ్రామశిలా వినుతజలం బాను నతఁడు వెండియు జననీ స్తనపాన మాచరింపక ఘనముగ వైకుంఠమునను గాఁపురముండున్.

⁠ 122

వ.⁠

మఱియుఁ దచ్ఛిలాధిష్ఠితస్థలంబునకుఁ గ్రోశమాత్రంబున మృతు లైన జంతువులు వైకుంఠంబు నొందుదు; రట్లగుట సాలగ్రామ

⁠

1. నియమనిత్యలీల (ము)