పుట:నారదీయపురాణము (అల్లాడు నృసింహకవి).pdf/650

తే. గీ.⁠

స్థిరమహాదుఃఖవాహిని సింధు వయ్యె ముదిమి యెన్నియవస్థలఁ బొదలు మృత్యు భీతి సన్నిహితంబుగఁ బెక్కు లేల వార్ధకము వంటి దుఃఖ మివ్వసుధ గలదె?

⁠ 58

వ.⁠

మఱియు వహ్న్యంబు వాతాసిమృగాహిపక్షిపశ్వాదులచేత జనునకు మృతిభయంబు ప్రాపించు నింక నిన్ని యననేల? నెయ్యదియు జనులకు నాశకరంబె. నాశహేతువులు కాని దేశకాలం బులును లే విట్లు భవంబున విమర్శింపుచు సుఖం బెఱుంగమి నెట్లు వితర్కించిన దుఃఖకరంబులే యగును.

⁠ 59

సీ.⁠

ఆధ్యాత్మికంబును నాధిభౌతికము నా                        నాధిదైవిక మన నమరియుండుఁ దాపత్రయంబందుఁ దనరు నాధ్యాత్మిక                        మగు నది శారీరక మనఁగ మాన సం బన రెండయి జరగుఁ బీనన శిలో                        రోగభగంధరాళోజ్వలోగ్ర గుల్మశూలశ్వాసకుష్ఠాతిసారాది                        కంబయి శారీరకంబు వెలయు!

⁠

తే. గీ.⁠

మానసిక మెంచి చూడఁ గామమదలోభ మానవిద్వేషభయరోషమత్సరావ మానశోకదురీర్ష్యామమత్వమూర్ఖ తాదురాచరణంబు లిద్దరణిలోన.

⁠ 60

క.⁠

మృగఖగమనుజపిశాచో రగరాక్షసముఖ్యపీడ ప్రాపించినచో నగు నాధిభౌతికం బన నగణేయంబైన తాప మతిచిత్రముగన్.

⁠ 61

క.⁠

శీతోష్ణవర్షవిద్యు ద్వాతాంబుముఖప్రభూతబహుతావము వి ఖ్యాతముగ నాధిదైవిక మై తగుశాస్త్రక్రమమున నారసి చూడన్.

⁠ 62