పుట:నారదీయపురాణము (అల్లాడు నృసింహకవి).pdf/528

తే. గీ.⁠

సారసౌశీల్యగుణసుధాసాగరంబు శాంతు భగవంతుఁ బన్నగశాయిఁ గాంచి భక్తి నాత్మఁ దలంచి యాసక్తి నెంచి యున్న విప్రుని విప్రత్వ ముత్తమంబు.

⁠ 67

క.⁠

సాంగోపనిషత్పూర్వక ముంగా వేదములు చదివి మురజిత్సేవా సంగంబు లేని విప్రుఁడు వెంగలి తజ్జన్మమెల్ల విఫలం బెంచన్.

⁠ 68

తే. గీ.⁠

స్వప్రియునియందుబలె మహేశ్వరునియందుఁ బ్రేమ గోపన మొనరించి యామహేంద్ర ముఖ్యదివిజుల కుపచారములు ఘటించు బాహ్యవృత్తిని [1]శ్రుతి నతిభావమునను.

⁠ 69

క.⁠

శ్రుతి నిరతము పరుఁడగు న చ్యుతునందు నసాత్వికునకు నుల్లము నిలువన్ బ్రతినన్ సర్వామరసం తతి కంతర్యామిఁగాఁ బ్రశంసించఁదగున్.

⁠ 70

క.⁠

ఎవ్వని కెయ్యది హితమై నివ్వటిలుం దాని నెఱిఁగి నిరతహితుండై యవ్విధమునఁ బలుకుచు మన మువ్విళ్లూరంగ మెలఁగుచుండఁగవలయున్.

⁠ 71

మ.⁠

జ్వరపూర్ణుండు నిజప్రియార్థగుణసంఛన్నౌషధం బిచ్చు శ్రీ కరసద్వైద్యుని యౌషధంబు లతియోగ్యశ్లాఘ్యముల్ ద్రావి వి జ్వరుఁ డౌ నట్ల రజస్తమఃకలితసత్వస్వేష్టదేవస్తుతిం గురురాట్సత్వహితోపదేశమహిమం గూడున్ మహాధామమున్.

⁠ 72

1. శృతి