పుట:నారదీయపురాణము (అల్లాడు నృసింహకవి).pdf/514

తే. గీ.⁠

చంద్రుఁడవు నీవు చంద్రిక సరససూక్తి సంతతి చకోరముల మేము సారసాక్ష! సత్కరుణ జ్యోత్స్న నీవంటి సాత్వికప్ర వర్తనుఁడు గల్గ నేర్చునే వన్నె మెఱసి.

⁠ 11

క.⁠

అల భగవంతుఁడు మాపైఁ గలఁడని తలఁచితిమి యట్ల కాకున్నతఱిన్ గులవిద్యాసంపదలం దలకొనదే గర్వమెల్లఁ దత్వజ్ఞనిధీ!

⁠ 12

తే. గీ.⁠

కలితవిద్యాకులధనోత్థగర్వపటల జాతసంఛన్నదృష్ఠుల మైతిమేని నిన్ను వీక్షింపఁగల మెట్లు నిఖిలధర్మ పదవిశేషోపదేష్టవై పరఁగియున్న.

⁠ 13

వ.⁠

అనిన సూతుం డిట్లనియె.

⁠ 14

సూతుఁడు బ్రహ్మజ్ఞానతత్త్వమును బోధించుట

మ.⁠

కుల మాచారము విష్ణు(పాద)[1]భజనాం[2]కూరైకసద్భక్తి ని శ్చలమౌ న్యాసలవంబు లేని యతినిస్సారాత్ముఁడన్ హీనదు ష్కులుఁడన్ నేఁడు మఖంబునందుఁ బరిషద్గోష్ఠిన్ విజృంభించుటల్ గలదే మద్గురుశక్తి నట్టి గురులోకస్వామిఁ గీర్తించెదన్.

⁠ 15

సీ.⁠

జగతిపై బ్రహ్మనిష్ఠావిధి జ్ఞాత లె                        [3]వ్వనిఁ జూచినను నిజేక్షణము ద్రిప్పి జల మార్జనము చేసి చను దురాహీనుని                        సాత్వికోత్తముఁ జేసి సకలమునులు బ్రహ్మపీఠమునందుఁ బట్టము గట్టి రే                        యాశ్రమంబునకైన నర్హవృత్తి చాలదు విప్రవంశజుఁడఁగా నెన్నిక                        విద్వాంసుఁడను గాను విష్ణుపాద

⁠

1. అక్షరలోపము పూరింపఁబడినది.
2. కూలైక. (మూ)
3. ఎవ్వనిఁ జూచి నిజేక్షణములఁ ద్రిప్పి.... (మూ) ఇందు సీసపాదము పూర్తి
   కాలేదు. అంతేకాక ఆఱవగణము జగణమైనది.