పుట:నారదీయపురాణము (అల్లాడు నృసింహకవి).pdf/507

⁠

రాదు; భూతవ్రజాక్రాంతంబు గాని దు                        స్థ్సాన మెయ్యది యది తలఁచి దీని నునుపంగఁదగు భూమి నునిచెద ననినఁ జ                        రాచరజీవసంవ్యాప్తతరము

⁠

తే. గీ.⁠

దైత్యనాగాన్వితంబు పాతాళసీమ, యాకసము పక్షులకునెల్ల నాకరంబు, సుకృతి గమ్యంబు, నాకంబు వికృతిఁ బాప కర్మనిలయంబు నరకంబు గణన సేయ.

⁠ 216

వ.⁠

ఝషాదులచే సాగరంబులు [1]వ్యాప్తంబు లయ్యెడి, విహంగంబులచే మహీరుహంబు లధిష్ఠింపబడియె. ఇది యెచ్చట నుండెనేని దీని నంటిన మాత్రంబున నధోగతిం బొందుదురు. అని విప్రుండు పలికిన నెఱింగి యగుంకాక! యని మోహినిం జూచి నీకు లోకత్రయంబున నుండ నవకాశంబు లేదు. దివ్యులు పాపభోక్తలు కారు; పాపసంగులుం గారు. నీవు సేయు నుపకారంబులకు శాపాపాయవరంబు దయచేసెద మని యున్నవార మిందులకు నుపాయంబు దోఁచ దనిన మోహిని యిట్లనియె.

⁠ 217

ఉ.⁠

చేసితి మీర లంపిన యశేషవిశేషవిమోహకార్యముల్ వాసి ననేకపాపము లవార్యములైనను [2]ముట్టె నాత్మ ను ల్లాసము నొందె దండధరు లక్ష్మి యశేషమనుష్యవర్గముల్ డాసె సమస్తఘోరవికటధ్వని నారకలోకవాసముల్.

⁠ 218

తే. గీ.⁠

చిత్రగుప్తుండు నలసెఁ జేసేత వ్రాసి ధర్మసంచయ మెల్ల విధ్వస్తమయ్యె నైనఁ బాపంబు నామీఁద నంట నిమ్ము సంఘటించితి నే నిట్టి సాహసమ్ము.

⁠ 219

వ.⁠

అయినను బురోహితసహితులగు మీకు నంజలిఁ గావించి వేఁడెద. మీకు హితంబు చేసి పాపంబు లనుభవించిన నేమి? మఱియుం దత్సాప బుద్ధియే నాకుఁ దోఁచుచున్నది. ఏకాదశిపుణ్యఫలంబు నాకు నిడినఁ దదాధారంబున నుండెద నయ్యేకాదశి సర్వదినపుణ్యరాశి, సర్వపాప

⁠

1. "వ్యాపిషం బయ్యెడి" నని వ్రాతప్రతి
2. "బుట్టి” వ్రాతప్రతి