రుక్మాంగదుఁడు తననిశ్చయము నెఱింగించుట
| తే. గీ. |
అనృతమై యుండనీ వాక్య, మపయశంబు
వొందనీ; ఘోరనిరయంబుఁ జెందనీ; ము
కుందవాసరభుక్తి నేఁ గోర నొల్ల
నందనందనసత్కృపానందమహిమ.
| 94
|
| తే. గీ. |
అధికదుర్మేధ యిది మూర్ఖ యగ్గలముగఁ
బరుషభాషలు పల్కినఁ బల్క నిమ్ము
కోర దెయ్యదియును మహాఘోరధర్మ
దూరనారకవీథుల త్రోవఁ గాని.
| 95
|
| క. |
క్రిమినై యనృతవచఃపా
పమునన్ జనియింతు మీఁదఁ బంకజనాభో
త్తమదినమునఁ గల్మషభో
జ్యము సేయఁగ నొల్ల సకలజనులు హసింపన్.
| 96
|
| సీ. |
ఎడసి పోనిమ్ము మోహినియు నేతద్విర
హానలంబున మామకాంగ మెటుల
నుండిన నుండనీ చండాంశునందనో
ద్దండదండాహతి ధరణిజనులు
నరకబాధల నొంద నమ్మించి నే నె ట్లు
పేక్షింతు నిఖిలసురేంద్రమౌళి
తటతలంబులు ద్రొక్క ధన్యత హరివాస
రోపోషితజనంబు [1]నొంచి విష్ణు
|
|
| తే. గీ. |
లోకమంతయు నిందించి లోలబుద్ధి
నన్యధర్మంబు నే నెట్టు లాచరింతు
భార్యకై కాముకుండనఁ బ్రథ వహించి
యితర మొల్లదు దుర్మేధ యీలతాంగి.
| 97
|
| క. |
గరళము మ్రింగుదు వైశ్వా
నరుశిఖలం బడుదుఁ బడుదు [2]ననిశిఖరముపై
శిర మసిఁ డూలింతును శ్రీ
హరివాసరమున భుజింప నాత్మజ! యింకన్.
| 98
|
- ↑ యతిభంగము. నుంచి?
- ↑ ఈపాదమునం దఖండయతి కలదు.
