పుట:నారదీయపురాణము (అల్లాడు నృసింహకవి).pdf/463

తే. గీ.⁠

ప్రాతిసాంవత్సరికముఖ్యపైతృకములు తర్పణాదికములుఁ బిండదానములు [1]గ యావ్రజనములు సేయక హరిదినమునఁ దనయు లుపవాస ముండినతఱిని జగతి.

⁠ 26

వ.⁠

తత్పితృగణంబు మోక్షంబు నొందు ననుచుం" [2]జాటి.

⁠ 27

ప్రబోధనీమహిమ

క.⁠

"అక్లేశకరము కార్తిక శుక్లైకాదశి యముండు చూడ వెఱచు రో షక్లిన్నాక్షుండై హరి [3]విక్లబులను గావఁగాఁ దవిలి మేల్కనఁగన్.

⁠ 28

తే. గీ.⁠

బ్రహ్మహత్యాదిదుస్తరపాతకములు కామచారకృతంబులై కలిగిన యవి యెన విలయంబు నొందు నన్యూనమహిమ నిది ప్రబోధని యండ్రు యతీంద్రవరులు.

⁠ 29

క.⁠

ఘనపాతకములు వాయఁగ ననిశము ధర్మంబె నిల్పి హరికిఁ బ్రబోధం బొనరింప నిది ప్రబోధని యని పలికిరి సూరిజనము లాయాసభలన్.

⁠ 30

క.⁠

ఒకనాఁడైనఁ బ్రబోధని నకలంకత నుపవసించు నాతఁడు చన్బా లకు లోను గాఁడు రవిబా లకునకు మఱి లోను గాఁడు లలితస్ఫూర్తిన్.

⁠ 31

చ.⁠

మలయజచంద్రకుంకుమ సమగ్రముగాఁ గలపంబు లందుఁ డు జ్జ్వలత దుకూలచేలము విశాలముగా సవరింపుఁ డుత్తమా ఖిలమణిభూషణాళి బెళఁకింపుఁడు ఫుల్లసుగంధపుష్పజా తులఁ పలుపూజ సేయుఁడు యదుప్రవరోత్తముఁ బార వీథులన్.

⁠ 32

1. గయావర్జన మనుట సంప్రదాయము. వజ్రనము=వెళ్లుట అనువిధముగా నెట్లో సమన్వయము కుదుర్చుకొనవలెను.
2. "జాటి రతివ వినుము" అని వ్రాతప్రతి
3. "విక్షంబులు గావఁ గావ వివి మేల్కనఁగన్" అని వ్రాతప్రతి