పుట:నారదీయపురాణము (అల్లాడు నృసింహకవి).pdf/430

మ.⁠

కరులం దేజుల నీవు దృష్టిగని సాక్షాచ్ఛక్తిఁ బాలించితే వరుసం దల్లుల కెల్ల హృత్ప్రియముగా [1]వర్తించితే కీర్తిగా నరు లేకాదశి యుండఁజేసితె నిశానాథక్షయప్రాప్తులన్ గరిమం బైతృక [2]మాచరింతురె జనుల్ కర్మైక విశ్వాసులై.

⁠ 232

సీ.⁠

మొదల నిద్ర యనర్థమూలంబు, నిద్ర పా                        పవివర్ధనము, నిద్ర పరమనిత్య దారిద్ర్యజనని, నిద్ర సమస్తశోకమో                        హనిదానఖని, నిద్ర యాధిరాజ్య పాలనవిఘ్నసంపత్తి నిద్ర కుమార!                        యపరరాత్రంబులయందు నిద్ర మాని వర్తింతువే మానిని పుంశ్చలి                        యైన లోకద్వయ మాత్మభర్త

⁠

తే. గీ.⁠

కంటనీని తెఱంగున నడఁచు, నిద్ర రాజులకుఁ గాన నీరీతిఁ బ్రబలశ క్తి నడఁచితే యంచుఁ దండ్రి నెయ్యం బొసంగఁ బలుక ధర్మాంగదక్షోణిపాలుఁ డనియె.

⁠ 233

వ.⁠

స్వామీ! నీకటాక్షంబున నిట్లనె యాచరించిన పుత్రులు జగత్రయ వంద్యులు. కాకున్నఁ దత్పాతకంబున కంతంబు గలదె? శరీరజీవన ధర్మంబులు త్వదధీనంబులు. సుతులకుం దండ్రియ దైవంబు. త్రిలో కియు నీకు సమర్పించిన ఋణంబు తీరునే యని పలుకు తనయునిం జూచి రుక్మాంగదుం డిట్లనియె.

⁠ 234

చ.⁠

పలికితి వేదసమ్మతసుభాషలు పుత్రక! తండ్రికంటె భూ స్థలమునఁ బుత్రసంతతికి దైవత మెవ్వఁడు? తండ్రిమాటలో మెలఁగని యాకుమారకుని మీఁదట నల్గుదు రెల్లవేల్పులున్ నిలిపితి మత్కులంబు ధరణీభరణాభరణైకదక్షతన్.

⁠ 235

క.⁠

భూపతులు మెచ్చ సప్త ద్వీపంబులు నేలితివి సుధీజను లలరన్ సౌపర్వాలోకసుఖ ప్రాపకుఁడవు నీవె నాకుఁ బావనమూర్తీ.

⁠ 236

1. వర్తించితేఁ గీర్తిగా
2. మాచరించిరె జనుల్ కర్మైకవిశ్వాసులై