పుట:నారదీయపురాణము (అల్లాడు నృసింహకవి).pdf/421

తే. గీ.⁠

అనఘ! సుక్షతయైన కన్యను సగోత్ర యైన కన్య ద్వితీయ దానైన కన్య బ్రాహ్మణీశూద్రసంగమోత్పన్నకన్య స్త్రీత్వవిరహిత యగు [1]కన్యఁ జెందఁదగదు.

⁠ 187

క.⁠

కానఁ గులంబున గుణ మభి మానంబును గలుగు సత్కుమారీమణి న న్నోనృపతి! పెండ్లి యాడిన భూనుతమై నిజయశంబు పూజ్యత నొందున్.

⁠ 188

వ.⁠

అనిన నట్లనె శాస్త్రోక్తప్రకారంబున నగ్గిరియందు నుద్వహించి నగు మొగంబున నిట్లనియె.

⁠ 189

శా.⁠

నాకశ్రీవిభవోపభోగమహిమల్ నాకల్పమై తోఁచె ము న్నాకల్పంబు లభించినన్ జెలువ యొయ్యారంబు తేజంబు ల క్ష్మీకౌతూహలలీల యోగ్యతయు వాసిం గల్గె నీ వబ్బఁగా నో కల్యాణి! సురేంద్రవైభవము నా కుత్కృష్టమే చూడఁగన్.

⁠ 190

ఉ.⁠

కాన భవన్మనంబున నొకానొకకాంక్షిత మెద్ది గల్గినన్ ఓ నలినాయతాక్షి! చతురోన్నతిఁ జేసెదఁ జిత్తగింపు మెం దైనను మంద్రశైలమలయాచలమేరుమహీంద్రనందనో ద్యానములన్ రమించెదవొ ధన్యత మత్పురిలో రమించెదో.

⁠ 191

వ.⁠

అనిన మోహిని యిట్లనియె.

⁠ 192

చ.⁠

సవతులు క్రూరచిత్త లతిసాహనలన్ [2]నృమహోదయప్రియా! సవతులు చూడ నొల్ల విదిశాపుర మామరణాంతకం బగున్ సవతులపోరు నేఁ దెలిసి సౌఖ్యముఁ గాంతునె? దాని కెవ్వియున్ [3]సవతులు నీనగేంద్రముల సంతతమున్ విహరింప నెంతయున్.

⁠ 193

సీ.⁠

అనఘ పుత్రవతి సంధ్యావళి యాసాధ్విఁ                        బాసి నీ వేరీతి బ్రతుకువాఁడ వతిదుఃఖమున నార్తి నందితివేని నా                        కధికతరార్తి యౌ నట్లుగాన

⁠

1. కన్యఁ లెల్ల....స
2. స్మృ
3. సవతులు యీనగేంద్రమున సంతతమున్ విహరింతు మెంతయున్.