పుట:నారదీయపురాణము (అల్లాడు నృసింహకవి).pdf/419

⁠

గద్గదోక్తుల సాత్వికశ్రీలు రాజిల్ల                        మోహిని నాత్మకామోహిని నతి [1]పూర్ణలక్ష్మిం గాంచి, పూర్ణగాంతరముల                        ననుభవించితి నాయొయారు లిట్లు

⁠

తే. గీ.⁠

నమితసౌందర్యరేఖాసమగ్రమహిమ వలచి వలపింపనేర్తురే వనిత! నీవు వలచి వలపింప నేర్చితి వన్నె మెఱసి మరులుగొంటి నిరీక్షణమాత్రముననె.

⁠ 178

చ.⁠

అమృతము చిల్కఁ బల్కక యొయారపుఁజూపులఁ జూచినంతనే భ్రమము వహించితిన్ వికచపద్మనిభాస్య! యనుగ్రహింపవే యమితములైన వాంఛితములన్నియు నిత్తు శరీర మిత్తుఁ బ్రా ణము లిపు డిత్తు రాజ్యము ధనంబును నిత్తు జగంబు మెచ్చఁగన్.

⁠ 179

చ.⁠

జలనిధిచేలయై రవిశశాకరలోచనయై లసత్కులా చలమణిభూషయై ఘనవిశాలపయోధరయై స్ఫురన్నభ స్థలతనువై సురాలయవిశంకటమౌళియునై యధోంతరో జ్జ్వలకటియైన భూవనితఁ జామ! భవన్నిజదూతిఁ జేసెదన్.

⁠ 180

వ.⁠

ప్రాణంబు లిచ్చువానికి గజవాజిరత్నమణిభూషణాంబరాదు లిచ్చు టెంత? నన్నుఁ గటాక్షింపవే యన విని మధురోక్తుల నూరార్చి యురంబునం జేర్చి యేమియు నేటికి? నేఁ గోరిన వాంఛితం బొకటి దయసేయవే; యనేకక్రతుకర్తయు బహుపుణ్యరాశియు భూరిద్రవిణ దాన[2]శస్తంబు నగు దక్షిణహస్తంబు శిరంబున నుంచిన నాకుఁ బ్రత్యయం బయ్యెడి. నీవు ధర్మశీలుండవు. సత్యకీర్తివి. అనృతంబులు పలుకనేరవు. యమపురంబు నిర్జనంబు గావించితివని ప్రశంసించిన రాజేంద్రుం డిట్లనియె.

⁠ 181

1. పూర్ణలక్ష్మిఁ గాంచి
2. శస్తం బగు