పుట:నారదీయపురాణము (అల్లాడు నృసింహకవి).pdf/404

సీ.⁠

ప్రబలసురాసురప్రవరుల కెడలింప                        నలవిగాని నగేంద్ర మరయ నెద్ది? హరికి వ్యామగ్రాహ్యమై భుజాంగదసము                        త్కాషసారంబైన గ్రావ మెద్ది? పుక్కిటిబంటిగాఁ బూర్ణదుగ్ధాంభోధి                        నోలలాడెడు మహాశైల మెద్ది? భూతజాలావృతపురమర్దనైకవి                        హారసౌధంబైన యచల మెద్ది?

⁠

తే. గీ.⁠

దివిజులకు రచ్చ, తాపసప్రవరులకుఁ ద పంబు పంట, సురాధిపభామలకు ర తిప్రవర్తనవశ్యాధిదేవత, వివి ధౌషధంబుల కాకరం, బట్టి శిఖరి.

⁠ 106

చ.⁠

అయుతము వేయుయోజనము లగ్గిరిమూలము దానియంతయే నియతముగా వెడల్పును వినిర్మలకాంచనరత్నశృంగముల్ వియదవనీతలంబులను వింతలుగొల్పు మణిప్రభా[1]మహో దయములు మించ ధామనిధిధామ మడంగఁగఁజేయఁ దద్గిరిన్.

⁠ 107

తే. గీ.⁠

అర్కతేజంబు దివ్యరత్నాలి గ్రోలి యగ్గిరీంద్రంబు మెఱయ నయ్యవనిధరము నంగలావణ్యధాళధళ్యమున వింత మెఱుఁగు వెట్టుచు నొకశిలమీఁద నిలిచె.

⁠ 108

తే. గీ.⁠

సప్తయోజనవిశ్రుతశక్రనీల కలితతచ్ఛిల దివ్యలింగంబు [2]మెఱయు నది వియల్లింగ మన దళహస్తమితమ హోచ్చతయు [3]నిన్మడి వెడల్పు నొనరి వెలయు.

⁠ 109

వ.⁠

ఆదివ్యలింగంబు సన్ముఖంబున.

⁠ 110

1. మహాదయమును మించ
2. మెఱయ
3. నినుమడి