పుట:నారదీయపురాణము (అల్లాడు నృసింహకవి).pdf/401

మ.⁠

[1]నను వీక్షించి యచేతనంబులు మహోన్మాదంబునం [2]జొక్కుఁ జే తన వస్తువ్రజముల్ గలంగవె సముద్యచ్ఛ్వాసనిశ్వాసతం జని యిట్లంటినఁ జోద్యమే, యువతివీక్షావర్ణనాఖేలనన్ జనియించున్ వ్రతభంగి సంగిహృదయాసంగంబు లెవ్వారికిన్.

⁠ 94

మహాస్రగ్ధర.⁠

వితతభ్రూచాపముక్తావితథశశిముఖే                        వీక్షణోగ్రాశుగంబుల్ ధృతి చిందన్ ధీరహృద్భిత్తికలు పలుమఱున్                        దీటి నాటించఁగా, ను ద్ధతిఁ దానెందాఁక వేడం దను కనవ్రతముల్                        ధైర్యమున్ లజ్జయున్ ద క్షతయున్ దేహేంద్రియస్వస్థతయు వినయమున్                        సర్వమర్త్యాళి కుర్విన్.

⁠ 95

మ.⁠

సరిగాఁ బోల్తురు చంద్రబింబమని యోషావక్త్రబింబంబు నే సరసుల్ [3]కావ్యలసత్కవిత్వవిభవైశ్వర్యంబునన్ మూఢులై ధరపై దానికి నెవ్వి [4]భ్రూవిలసనోద్యద్విభ్రమాపాంగభం గురవీక్షాదరహాసమోహనకళాకోపప్రసాదస్థితుల్.

⁠ 96

శా.⁠

ఔరా! జవ్వని మోహనాంగి భళిరా హా ముగ్ధముద్ధోక్తి భా మారత్నం బని మాటిమాటికి మదోన్మత్తుండు చింతించి యా నీరేజాననకేళికిన్ [5]మలయుఁ బూన్కిం గంతుఁ డేఁచంగ, వి ద్యారూపంబగు మంత్రదేవత తదంతర్యామియుం బోలుచున్.

⁠ 97

క.⁠

తావకసురనరవర్గము నేవెతలం బెట్టనేర దీక్షించి మదిన్ భావించి గౌరవించినఁ బూవుంబోఁడులు కలంచి పోవరె వేగన్.

⁠ 98

1. చని వీక్షించి
2. జొక్కు చేత వస్తుల్ వ్రజముల్ గలంగవే సముద్యచ్ఛ్వాసనిశ్శ్వాసతం
3. కావ్యులు సత్కవిత్వ
4. భూ
5. మలయఁ