పుట:నారదీయపురాణము (అల్లాడు నృసింహకవి).pdf/391

ఆ. వె.⁠

అనుచు నిట్లు పలికి యంతకుం డంతకుఁ జిత్రగుప్తు లట్ల చేష్ట లుడిగి చిత్రగుప్తుఁ డాలసింపక వెంటరాఁ ద్రోవ నరిగె నారదుండు దాను.

⁠ 43

వ.⁠

అంత.

⁠ 44

శా.⁠

మూర్తామూర్తజనంబు గొల్వ నిగమంబుల్ దానయై తజ్జగ త్కర్తృత్వప్రపితామహత్వముల నోంకారాఖ్యమై హంసమై యార్తత్రాయకమై స్వయంభువయి తుర్యంబై కుశాంకంబునై కీర్తించందగు నొక్కతేజము [1]శుభోద్గీథంబు వీక్షింపుచున్.

⁠ 45

సీ.⁠

స(క)లదివ్యులు దిగీశ్వరలోకపాలకుల్                        విగ్రహంబులు దాల్చి వేదములు పు రాణంబు లఖిలశాస్త్రములు నాకృతిఁ బూని                        జలధులు నదులు కాసారదీర్ఘి కాకూపములు తటాకములు దేహము లెత్తి                        యశ్వత్థముఖభూరుహములు మూర్తి మంతంబులై సానుమంతంబు లాకార                        ములతో నహోరాత్రములును బక్ష

⁠

తే. గీ.⁠

ములును మాసంబులును వర్షములును [2]దనువుఁ బొంది సత్కర్మములు బంధములును మేను లమరి సత్వంబును రజంబుఁ దమముఁ జాల నంగములు దాల్చి సేవించు నంతలోన.

⁠ 46

వ.⁠

శాంతరూపంబులు ఘోరవికారరూపంబులుం బరివేష్టింప నమ్మహా విభుని నమ్ముఖంబున విన్ననై మొగంబు వంచికొనియున్న దండ ధరునిం జూచి సభాసదు లిట్లనిరి.

⁠ 47

ఉ.⁠

దండధరుం డితం డధికదైన్యముతో నరుదెంచె నిమ్మహో ద్దండుఁ డధర్మమన్నఁ దెగు ధర్మము గల్గిన నిర్వహించు బ్ర హ్మా(ం)డములోని మానవుల కందరకు [3]సమవర్తి గాన ని ట్లుండ క్షణంబు తీరదు మహోద్ధతి నిచ్చటి కేల వచ్చెనో?

⁠ 48

1. శుభోత్తేజంబు
2. దనువులొంది
3. సమవర్తి గాన యిట్లుండ