పుట:నారదీయపురాణము (అల్లాడు నృసింహకవి).pdf/390

క.⁠

హరివాసరమునఁ గుడిచిన పురుషుల కిలలోని పాపములు ప్రాపించున్ హరివాసరమునఁ గుడువని పురుషుల కిలలోని పుణ్యములు ప్రాపించున్.

⁠ 38

ఆ. వె.⁠

వైమనస్య మందె వైవస్వతుం డంతఁ జిత్రగుప్తలేఖ్యపత్రలిఖిత దురితపుణ్యు లిపుడు [1]తుడుపులు వడిరి త ద్విష్ణుదివసమహిమ వింతకాదె!

⁠ 39

క.⁠

హరిలోకమునకు నేఁగఁగ సురపురమును యమపురంబు శూన్యం బయ్యెన్ సురముని [2]నారదుఁ డొయ్యన నరుదెంచి కృతాంతుఁ జూచి యపు డిట్లనియెన్.

⁠ 40

తే. గీ.⁠

చిత్రగుప్తుఁడు నున్నాఁడు [3]చిన్నవోయి నరులు పావనులైరి నీపురమునందు యాత నాక్రందములు వొంద వనఘ ధర్మ రాజ! యిది యెంచి చూడఁ జిత్రంబు గాదె!

⁠ 41

వ.⁠

అనిన[4] రుక్మాంగదక్షితీశ్వరుం డేకాదశీవ్రతంబు సేయుచుండ నీ రాష్ట్రంబులోఁ జాటించ నట్లనె నరులు వర్తించఁ దన్మహత్త్వంబున మల్లోకం బిట్లయ్యె. బ్రహ్మహత్యాదిపాతకాన్వింతుడైన సింహంబువలె నున్నవాఁ డేను కాష్ఠమయుండనై యున్నవాఁడ; నేత్రకర్ణహీనుండునుం బోలె, సంధ్యాహీనుఁడైన ద్విజుండునుంబోలె, స్త్రీజితుండైన పురుషుం డునుంబోలెఁ; బ్రమదాపతి యగు షండుండునుంబోలె నిర్విణ్ణుండనై యున్నవాఁడ, నిటువంటి లోకపాలకత్వంబు విడిచెదనని బ్రహ్మ లోకంబునకు నేఁగి యేతత్కార్యంబు విన్నవించెద. స్వామివిత్తం బను భవించి స్వామికార్యంబునెడ నిర్వ్యాపారుండై యున్నవానికి నరకం బగుం గావున.

⁠ 42

1. తుడుపులు పడియెఁ ద | ద్విష్ణుదివస మహితు వింతకాదె.
2. నారదుఁ డొయ్యని యరుదెంచి
3. చిన్నబోయి
4. (‘న' కొట్టివేయఁబడినది.)