పుట:నారదీయపురాణము (అల్లాడు నృసింహకవి).pdf/387

⁠

నవమి నభస్య కృష్ణత్రయోదశి మాఘ                        [1]పంచదశమియును బావనములు గ్రాహ్యంబు శుక్లపక్షమునఁ బౌర్వాహ్నిక                        మాపరాహ్ణికము గ్రాహ్యంబు కృష్ణ

⁠

తే. గీ.⁠

[2]పక్షమున నయనము దినభాగకంబు సంక్రమణము షోడశాంశంబు నదియె నిది యెఱింగి బుధోత్తము లెల్ల సకల దానములు సేయవలయు ననూనమహిమ.

⁠ 23

తే. గీ.⁠

ఉత్తరాయణ ముడిగి సూర్యుండు వేగ దక్షిణాయనమున కేఁగుతఱి మెలంగు మధ్యకాలంబు విషమమై మహిఁ జెలంగు నదియె ముక్తకనామధేయము వహించు.

⁠ 24

మ.⁠

తిథి సాంవత్సరికోపదేశమున బుద్ధిం జాల శోధించి సు ప్రథితశ్రీ నుపవాస మున్న నగు ధర్మంబున్ శుభంబున్ మనో రథముల్ సద్గతులున్, మహాదురితచర్యం బూర్వసంవిద్ధయౌ [3]తిథియందే యుపవాసమున్నఁ గలదే తేజంబు పుణ్యస్థితుల్.

⁠ 25

తే. గీ.⁠

ఉత్తమోత్తమమైన గంగోదకంబు నందు సురబిందుమాత్రంబు నందెనేని యతిపవిత్రంబు గాని యట్లయ్యె దశమి హరిదినమునఁ గళామాత్ర మంటెనేని.

⁠ 26

తే. గీ.⁠

ఉభయపక్షముల మహోత్తముండగు కుశ కేతుఁ డఖిలదనుజజాతి యాత్మఁ బొంగి సన్నుతింపఁ బూర్వవిద్ధములైన తిథుల నుపవసింపఁ దెలిపె మున్ను.

⁠ 27

1. పంచదశమియు నివి పావనములు
2. పక్షమున నయనముం దినభాగకంబు
3. తిథియం దినుపవాసముం గలదె తేజంబు పుణ్యస్థితుల్