పుట:నారదీయపురాణము (అల్లాడు నృసింహకవి).pdf/357

సీ.⁠

సగరపుత్రులు రాజ్యసంపన్మదంబునఁ                        గపిలరోషాగ్నిశిఖాప్రదగ్ధు లగుట మాంధాత గర్వాంధుఁడై లవణదై                        త్యోగ్రశూలాహతి నుక్కడంగి యుండుట పౌలస్త్యు నొడిసి [1]బంధించిన                        కార్తవీర్యుని భుజాగ్రములు పరశు ధార ద్రుంగుట ధరాధ్యక్షులు ముయ్యేడు                        మాఱులు సమయుట మహితకీర్తి

⁠

తే. గీ.⁠

బలి రసాతలమునఁ గ్రిందుపడుట నహుషుఁ డజగరంబయి నాకలోకాధిపత్య ముడిగి వచ్చుట తెలియవే యో నృపాల! యొల్ల నీకన్య రాజ్యంబు నొల్ల నింక.

⁠ 76

చ.⁠

వలసినవాని కిమ్ము నృపవల్లభ నీసుత నంగరేఖ దాఁ గలిగిననేమి? నాకు నది గానఁ గనయ్యెఁడు చర్మభస్త్రికా తులఁబలలాంత్రశల్యములతో నతిహేయదురుగ్రవాసనా కలితత రోఁతయయ్యెడు నికం బలుమాఱు వచింప నేఁటికిన్.

⁠ 77

వ.⁠

నృపా! నేను వైకుంఠసామ్రాజ్యంబుపై మనంబు గల్గి వర్తింపుచున్నవాఁడ ననిన రాజు సంతోషంబు నొంది చనియె, నంత బ్రహ్మచారి యుగ్ర తపంబు సేయ నింద్రుండు కలంగి శతాప్సరోజనంబుల నియోగించిన.

⁠ 78

సీ.⁠

తళతళ మెఱసె మందారమాలిక రంభ                        యొయ్యారమునఁ (జూచె) నూర్వశి కుచ కలశముల్ మెఱయించెఁ గల్యాణకౌముది                        కన్ను లల్లార్చ [2]యగ్రమునఁ బొలిచె నుద్యానమాలిని యుప్పొంగె మేనక                        యమృతంబు వెదచల్లి యాననమునఁ బయ్యెద నెరిజాఱఁ బరతెంచె వీణావి                        నోదిని హరిణి యామోదభరము

⁠

1. ఖండించిన
2. యుగ్రమున