శ్రీరామచంద్రుఁడు సీతాలక్ష్మణసమేతుఁడై యాదవాద్రిస్వామిని పూజించుట
సీ. |
హరిభక్తినియతాత్ములైన మీ రవధాన
మున వినవలయుఁ బ్రమోదమంది
యొకపుణ్యకథ మహాయోగులు మీ రెఱుం
గనియది లే దైనఁ గరుణ గలిగి
యడిగితి రిట యాదవాచలసీమఁ బ్ర
శక్తి నారాయణార్చన మొనర్చి
కాకుత్థ్సవంశశిఖామణియైన శ్రీ
రామచంద్రుఁడు జగద్రక్షకుండు
|
|
తే. గీ. |
వనమునకు వచ్చి యొకనాఁడు వసుమతీకు
మారియును లక్ష్మణుఁడు గొల్వ మహిమ మెఱసి
యమ్మహాగిరితటమున నధివసించె
నవ్యయానంద మాత్మలో నంకురింప.
| 121
|
తే. గీ. |
లక్ష్మణుం డన్నఁ జూచి యుల్లమున విస్మ
యంబు దలకొన స్వేతన్నగాగ్రసీమ
మానసోపమకాసారమౌళి యొకటి
భాసురంబయ్యెఁ జూడు మప్రాకృతంబు.
| 123
|
ఉ. |
[1]తత్తటియందు రత్నకలితంబగు దివ్యవిమానవీథి భా
స్వత్తులమై సమాభ్యధికవర్జితసుందరవిగ్రహంబుతో
నుత్తమలీలచేతఁ బురుషోత్తముఁ డొప్పుచు నున్నవాఁడు లో
కోత్తర లక్ష్మి నీవువలె నుల్లమునం గనుపట్టె నా కటన్.
| 124
|
తే. గీ. |
ఆశుభాకారకాంతివీక్షాభిలాష
మాత్మ జనియించెనేని రమ్మనిన రామ
చంద్రుఁ డపు డేఁగె జానకీసహితుఁ డగుచు
దివ్యతరమైన కల్యాణతీర్థమునకు.
| 125
|
- ↑ అత్తటియందు – వ్రాఁతప్రతియందలి యీపాఠమున యతిభంగము.