భోజనంబులు గావింపుచునున్న యాబ్రాహ్మణుని ధనవంతుడని
చోరులు ప్రచ్ఛన్నవేషధారులై ముగురు లలాటంబున, నితరాంగంబుల
ద్వాదశోర్ధ్వపుండ్రంబులు గావించుకొని నారాయణ నారాయణ
యనుచు, విష్ణుభక్తులం గనినఁ బ్రణమిల్లుచు వచ్చువారిం జూచి సుచరితుండు
భుజింపఁబెట్టిన విష్ణునివేదితాన్నంబులు భుజించి నారాయణపదాంభోజ
తీర్థపానం బొనర్చి కృతార్థులు నైనవారలందఱకు మనంబున [1]సర్వోత్త
రంబైన సాత్వికత్వ ముదయింప సాత్వికులై యేము చోరులము. భవ
ద్ద్రవ్యాపహరణంబునకు వచ్చినవారము. వేషమాత్రంబు చూచి యుపచ
రించితి వనిన నగి, యస్మత్కులధనంబు నారాయణాహ్వయంబు. ఆ
ద్రవ్యం బెవ్వరు హరింప సమర్థులు? అనిన విని సంతోషాశ్రుతరంగం
బులతోఁ బులకించి వందనం బాచరించి పరమపదప్రాప్త్యుపాయం బుప
దేశింపు [2]మనిన నాతఁ డట్ల కావింప వారు నైష్ఠికులై దేహావసానంబునఁ
బరమధామంబు నొందిరి అంత.
