పుట:నారదీయపురాణము (అల్లాడు నృసింహకవి).pdf/290

సీ.⁠

సకలనామస్తుతి సంఘటించుటకంటె                        నారాయణాయను నామమొకటి హరికిఁ బ్రియంబు వాక్యవిశుద్ధిదంబు శ్రు                        త్యవలంబనంబు కామ్యప్రదంబు సాధుకర్ణామృతసారమె వెవ్వనిజిహ్వ                        యందుఁ దన్నారాయణాహ్వయంబు పొడము నాతనియింట జలధికన్యకతోడ                        నట్టి పరాత్పరుం డధివసించు

⁠

తే. గీ.⁠

అర్థ మెఱుఁగకయేని నారాయణాహ్వ నరుఁడు కీర్తించి భయపరంపరఁ దరించు సద్గురూదితసారార్థసరణిఁ దెలిసి పలుకువారల నేమని తలఁపవచ్చు.

⁠ 13

సీ.⁠

నారంబు జలమయనంబుగాఁ గలుగుట                        సకలలోకంబులు సన్నుతింప అక్షరము[1] జలౌఘమంతయు నారమౌ                        నది యయనంబుగా నచ్చుపడుట సరుఁడు విష్ణువు తజ్జనవరులు నారులు                        వా రయనంబుగా వరలికొనుట సకలచరాచరలోకములు నారములు వాని                        కయనమై సౌభాగ్య మంటికొనుట

⁠

తే. గీ.⁠

జ్ఞానశక్తిబలాదికషడ్గుణములు నారములు వాని కయనమై నయము గనుట అమృతమూలంబు నారాయణాహ్వయంబు నిర్వచింపంగఁదగుఁ ద్రయీనియత మగుచు.

⁠ 14

వ.⁠

వ్యూహంబునందు వాసుదేవునికి షడ్గుణంబు లెటువలె నుండు నటువలెనే నారాయణాహ్వయంబునందును షడ్గుణంబు లుండు. సంకర్షణాది భేదంబు గుణాభివ్యక్తిమాత్రంబు. జ్ఞానశక్త్యాదిషడ్గుణంబులచేతను తద్భేదంబులైన కరుణాదులచేతను పరిపూర్ణుండై శ్రీమన్నారాయణుఁ డయ్యె. విశ్వాంతర్యామి బాలజఠరంబున జగంబులువోలె షాడ్గుణ్యో దరం బాశ్రయించి గుణకోటులు వర్తించు. మఱియును.

⁠ 15

1. అక్షరజలౌఘ-గణభంగము