పుట:నారదీయపురాణము (అల్లాడు నృసింహకవి).pdf/228

క.⁠

లోకోత్తరుఁ డాహరి నిజ లోకాభవలోకధాతృలోకబిడౌజో లోకాదులైన యుత్తమ లోకంబులు చూపె గోపలోకంబునకున్.

⁠ 178

వ.⁠

అంత.

⁠ 179

సీ.⁠

నందాదు లొకనాఁడు నవ్యోత్సవంబున                        నంబికావనమున కరిగి యాస రస్వతినది గ్రుంకి రహితో నుమామహే                        శ్వరులఁ బూజించి భూసురులకెల్ల గోహిరణ్యాంబరకోటు లర్పించి య                        న్నము పెట్టి తా ముదకములు ద్రావి తద్వ్రతంబున నుండ దైవయోగంబున                        నందుని నజగర మందునుండి

⁠

తే. గీ.⁠

మ్రింగ హరి దాని ద్రుంపఁ బొసంగ నదియుఁ దాల్చె విద్యాధరత్వంబు దశదిశాంత రాళ[1]దేదీప్యమానవిశాలమౌళి మాలికాలంకృతశ్రీల మహిమ మెఱసి.

⁠ 180

వ.⁠

ఇట్లు మెఱసి యేను సుదర్శనుం డనువిద్యాధరుండ. మదీయప్రకా రంబు విన్నవించెదనని యిట్లనియె.

⁠ 181

తే. గీ.⁠

అంగిరసులు కురూపులై యరుగుదేరఁ గాంచి యే నవ్వఁ దత్పాతకమున నజగ రంబవై యుండుమనిరి శాపంబు దొలఁగు మీపదాబ్జంబు సోఁకినమీద ననిరి.

⁠ 182

వ.⁠

మీకతంబున శాపవిముక్తుండ నైతి నని విద్యాధరుండు యథేచ్ఛంబుగాఁ జనియె.

⁠ 183

సీ.⁠

రామకృష్ణులు వనరాజిలో నొకరేయి                        వెన్నెల గాయ నవీనమధుర గానామృతము సోనకైవడి వెలయ గో                        పాంగనల్ పరవశ లైన వారి

⁠

1. దేదివ్యమాన..............శ్రీ లమర మహిమ మెఱసి