పుట:నారదీయపురాణము (అల్లాడు నృసింహకవి).pdf/215

తే. గీ.⁠

రాసభాకృతి ధేనుకరాక్షసుండు రా సభాకృతిఁ దూలించి రాముఁ డొడిసి పట్టఁ జేరి మహోద్భటార్భటి యశోద పట్టి త్రుంచెఁ దదాప్తోగ్రబలమునెల్ల.

⁠ 108

తే. గీ.⁠

ఆదిఝషమైన హరియె యాహార మనుచు మించి బకుఁ డచ్యుతుని నిజచంచువివర గతునిఁగా మ్రింగ నంతఁ దద్గళము చొరక వాని వ్రయ్యలుగాఁ జేసె దానవారి.

⁠ 109

క.⁠

బకుఁ డుచ్చలితారికదం బకుఁడు భయంకరమహాంధభావవిరూపాం బకుఁ డర్దనచిత్తాలం బకుఁ డీల్గినఁ దీవ్రరోషపరవశుఁ డగుచున్.

⁠ 110

ఆ. వె.⁠

అఘుఁడు వానితమ్ముఁ డరుదెంచి యజగరా కృతిని దలను మ్రింగఁ గెరలి వాని నజగరంబువోలె హరి వేగఁ జీరి తా వచ్చె వత్సపాలవరులకడకు.

⁠ 111

క.⁠

ఆవనమున నొకనాఁడు మ హావిశ్వజనీనుఁ డైన హరి పంతంబుల్ గావించి హవ్యవాహక భావంబున సఖులతోడఁ బన్నిద మాడెన్.

⁠ 112

వ.⁠

అప్పుడు గోపాలవేషంబునం బ్రలంబుండు బలభద్రు మూ పెక్కించు కొని చనునంత.

⁠ 113

శా.⁠

తాలాంకుండు విదారితాహితమదోత్తాలాంకుఁ డత్యుద్ధతిన్ బ్రాలం[1]బాంత్రములెల్ల భూతతతికిన్ బ్రాలంబముల్ చేసె నా భీలక్రూరభుజాశనిప్రహతిచే భేదించెనే తచ్ఛిర శ్శైలం బుర్వరఁజూర్ణభావము వహించన్ రాచె దద్గాత్రమున్.

⁠ 114

1. బాత్రములెల్ల