పుట:నారదీయపురాణము (అల్లాడు నృసింహకవి).pdf/208

క.⁠

వ్రజసతులందఱు దివిజ వ్రజసతుల న్మించి మోహవశచిత్తములన్ భజనము సేయ నతఁడు డిం భజనముతో నాలఁ గాచె మధురిపుఁ డచటన్.

⁠ 67

క.⁠

నందాదులు సకలశతా నందాదులు మెచ్చ నాదినారాయణుఁ డా నందాదులతో సనకస నందనముఖ్యులు భజింప నయము వహించెన్.

⁠ 68

క.⁠

బృందావనమున నాశ్రిత బృందావనశీలుఁ డహితభేదకుఁ డాగో విందుఁడు సజ్జనరక్షా విందుఁడు రాజత్పదారవిందుఁడు వెలసెన్.

⁠ 69

క.⁠

ధీరత్వము శూరత్వము దారత్వము శోభనావతారత్వము గం భీరత్వము సారత్వము పారత్వము నెంచ గోపబాలుఁడు నొంచెన్.

⁠ 70

వ.⁠

అంత నింద్రోత్సవంబు సేయక యొక్కనాఁ డనర్గళదుర్గామహోత్సవ మొనర్ప నింద్రుండు కనలి ఘనఘనాఘనంబుల నియోగించిన.

⁠ 71

సీ.⁠

తొలుదొల్త తోనవాతూలంబు లుత్తాల                        శైలజాలవిదారిశక్తి విసరె నంతట దిశల గాఢాంధకారము గప్పె                        తఱచుఁ గ్రొమ్మెఱుఁగులు మెఱసె నపుడు ఘనమై నెరసెఁ గీటకర్పటగ్రామని                        మ్నోన్నతైక్యము గల్గు నురకరాశి యఖిలలోకంబులు నందంద కంపింప                        నమితార్భటుల గర్జితములు నిగిడె

⁠

తే. గీ.⁠

ఘోరధారాళఘనశిలాధార మోలి ఘోషజనఘోషభీషణోత్కర్ష మొదవ ఘోరరవముగఁ గురిసె దిక్కుహర మదరఁ జెదరె భూచరఖేచరశ్రేణి యంత.

⁠ 72