పుట:నారదీయపురాణము (అల్లాడు నృసింహకవి).pdf/207

సీ.⁠

[1]జారుపయ్యెదయు నొయారిచూపుల ముగ్ధ                        భావంబు మెరయించు భాషణములు కలయికలోని ప్రాగల్భ్యంబు వింతలౌ                        సింగారములు ముద్దు చిల్కు నవ్వు గుబ్బలు చెన్క నుల్కుచుఁ దానె పైకొను                        నంగాంగసంగతాలింగనములు కంకణమంజీరకాంచికాకింకిణీ                        రవ మొప్పు నొకమిటారంపునడపు

⁠

తే. గీ.⁠

సిగ్గు సొగసును మురిపెంబు సిరియు వలపుఁ గ్రుమ్మ రాచంగ రాధతోఁ గూడి మెలఁగె నఖిలమోహాంతరాతీతుఁ డైనశౌరి వన్నె యమునాతటీవనవాటికలను.

⁠ 63

సీ.⁠

తానే పన్నీటితోఁ దళుకొత్తు కస్తూరి                        బొట్టు వింతగ ఫాలమున నమర్చుఁ దాన నెత్తావి వింతగ నేర్చి కట్టిన                        [2]పూదండ లపుడు కొప్పున ఘటించుఁ దానె కట్టాణిముత్యాలు గ్రుచ్చినపట్టు                        రవికె చన్నుల మించ [3]నవదరించుఁ దానె కర్పూరయుక్తపటీరరసమునఁ                        దళుకుఁజెక్కులను బత్రములు వ్రాయు

⁠

తే. గీ.⁠

ధవళదీర్ఘవిశాలనేత్రములయందు శ్రీలు మెరయంగ నంజనరేఖ దిద్దుఁ దావి వెదజల్లుపుక్కిట తమ్మలంబు నోరు నిండించు నాపూతనారి తానె.

⁠ 64

వ.⁠

ఇవ్విధంబున.

⁠ 65

క.⁠

తీరనిమమతల యమునా తీరనికుంజముల వింతతీ రనిపించెన్ వారక రాధామాధవ సారకళాకేళికుతుకసారస్యంబుల్.

⁠ 66

1. చారుపయ్యెద
2. నలదండ లపుడు కొప్పున
3. రవికె చన్నుల మించ నలవరించు