ఈ పుట అచ్చుదిద్దబడ్డది
రేకు: 0400-4 ఆహిరి సంపుటం: 11-598
పల్లవి: గక్కన నాతనిఁ గని గడ్డము వట్టి వేఁడుక
చెక్కు నొక్కినపుడుగా చింత లెల్లఁ బాసును
చ. 1: యే మని దూరితినో యెంత చిత్తము నొచ్చెనో
ప్రేమాన నాతఁడు నన్ను బిలిపించఁడు
మోము చూచి తనకు నేమొక్కే నన్నా నిందురాఁడు
ఆమని విరహతాప మడ్డ మేల వున్నదే
చ. 2: పాదము లొత్త నైతినో పంత మేమి యెంచినాఁడో
నాదెస చూడఁ జెలి నైనా నంపఁడు
ఆదరించి వచ్చే నంటే నట్టె తెల్లవారదు
సాదించి నావలపులే చలముతో నున్నవి
చ. 3: నివ్వెరగుతో నుంటినో నెప మేమి గలిగెనో
నవుచుఁ గాఁగిట నించి నాలి సేసీని
యివ్వల శ్రీవెంకటేశుఁడే నలమేలుమంగ
నువ్విళ్లూర నన్నుఁ గూడె నొద్దెనె దాఁగీని
