ఈ పుట అచ్చుదిద్దబడ్డది
రేకు: 0400-3 రామక్రియ సంపుటం: 11-597
పల్లవి: ఇంట నున్నవారము నే మెందు వొయ్యేము
దంటల మై నిన్ను నేము తప్పు వట్టెమా
చ. 1: నివ్వటిల్ల నీకన్నుల నిద్దుర దొట్టి వున్నది
పవ్వళించ రాదా పానుపుమీఁద
చివ్వన న న్నేల నీవు చేయి వట్టి తీసేవు
దవ్వుల మాతోడిపొందు తప్పి పోయినా
చ. 2: ఆసురుసు రెల్లా నీయంగముపైనే వున్నది
విసరించుకో రాదా వేగినంతాను
రసికుఁడ మ మ్మేల రతికిఁ బిలిపించేవు
వెస నెప్పు డైనా నిన్ను వెగ్గళించేమా
చ. 3: వేడుకలు నీ కెపుడు వెల్లివిరిసి వున్నవి
వీడె మింద రాదా వెర పేఁటికి
ఆడెనె శ్రీవెంకటేశ అలమేల్ మంగను నన్ను
కూడితివి యిఁక నీకు గురి దప్పీనా