ఈ పుట అచ్చుదిద్దబడ్డది
రేకు: 0400-2 దేసాక్షి సంపుటం: 11-596
పల్లవి: ఇంక నెన్నఁ డమ్మ నీ యెన్నిక జాణతనము
జంకించి మాటాడకున్న సతులఁ గైకొందురా
చ. 1: సూటిగా నిన్నుఁ దప్పక చూచీ నాతఁడు
వాఁటముగఁ దల యెత్తి వంచుకొంటాను
చీటికి మాటికిఁ దానె సెలసి సెలసి నవ్వీ
నాఁటదాన వాతనితో నౌఁ గా దనకుందురా
చ. 2: వేమరుఁ జేయి చాఁచి వేఁడుకొనీ నాతఁడు
సోమరించి దారిమొనాఁ జూపి చూపి
నేమములుఁ బచరించి నెలఁత లంటేఁ జెనకీ
చే ముంచి యాతని నీవు చిమ్మిరేఁచ కుందురా
చ. 3: సిగ్గు విడిచి కూడెను శ్రీవెంకటేశుఁడు
వొగ్గి తల రాయి సేసు కూర కైనాను
నిగ్గుల నలమేల్మంగ ని న్నతఁడు గలసెను
వెగ్గళించి నీవలపు వెదచల్ల కుందురా